Psalmi (Psalm) 46 :: Latin Vulgate (VUL)

Psa 46:1

Psa 46:1[Vulgate 45:1] victori filiorum Core pro iuventutibus canticum [Vulgate 45:2] Deus nostra spes et fortitudo auxilium in tribulationibus inventus es validum

Psa 46:2

Psa 46:2[Vulgate 45:3] ideo non timebimus cum fuerit translata terra et concussi montes in corde maris

Psa 46:3

Psa 46:3[Vulgate 45:4] sonantibus et intumescentibus gurgitibus eius et agitatis montibus in potentia eius semper

Psa 46:4

Psa 46:4[Vulgate 45:5] fluminis divisiones laetificant civitatem Dei sanctum tabernaculum Altissimi

Psa 46:5

Psa 46:5[Vulgate 45:6] Dominus in medio eius non commovebitur auxiliabitur ei Deus in ipso ortu matutino

Psa 46:6

Psa 46:6[Vulgate 45:7] conturbatae sunt gentes concussa sunt regna dedit vocem suam prostrata est terra

Psa 46:7

Psa 46:7[Vulgate 45:8] Dominus exercituum nobiscum protector noster Deus Iacob semper

Psa 46:8

Psa 46:8[Vulgate 45:9] venite et videte opera Domini quantas posuerit solitudines in terra

Psa 46:9

Psa 46:9[Vulgate 45:10] conpescuit bella usque ad extremum terrae arcum confringet et concidet hastam plaustra conburet igni

Psa 46:10

Psa 46:10[Vulgate 45:11] cessate et cognoscite quoniam ego sum Deus exaltabor in gentibus exaltabor in terra

Psa 46:11

Psa 46:11[Vulgate 45:12] Dominus exercituum nobiscum fortitudo nostra Deus Iacob semper

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.