Psalmi (Psalm) 40 :: Latin Vulgate (VUL)

(Psa 70:1–5 )

Psa 40:1[Vulgate 39:1] pro victoria David canticum [Vulgate 39:2] expectans expectavi Dominum et inclinatus est ad me

Psa 40:2[Vulgate 39:3] et audivit clamorem meum et eduxit me de lacu famoso de luto caeni et statuit super petram pedes meos stabilivit gressus meos

Psa 40:3

Psa 40:3[Vulgate 39:4] et dedit in ore meo canticum novum laudem Deo nostro videbunt multi et timebunt et sperabunt in Domino

Psa 40:4

Psa 40:4[Vulgate 39:5] beatus vir qui posuit Dominum confidentiam suam et non est aversus ad superbias pompasque mendacii

Psa 40:5

Psa 40:5[Vulgate 39:6] multa fecisti tu Domine Deus meus mirabilia tua et cogitationes tuas pro nobis non invenio ordinem coram te si narrare voluero et numerare plura sunt quam ut narrari queant

Psa 40:6

Psa 40:6[Vulgate 39:7] victima et oblatione non indiges aures fodisti mihi holocaustum et pro peccato non petisti

Psa 40:7

Psa 40:7[Vulgate 39:8] tunc dixi ecce venio in volumine libri scriptum est de me

Psa 40:8

Psa 40:8[Vulgate 39:9] ut facerem placitum tibi Deus meus volui et legem tuam in medio ventris mei

Psa 40:9

Psa 40:9[Vulgate 39:10] adnuntiavi iustum in ecclesia multa ecce labia mea non prohibebo Domine tu nosti

Psa 40:10

Psa 40:10[Vulgate 39:11] iustitiam tuam non abscondi in medio cordis mei fidem tuam et salutare tuum dixi non abscondi misericordiam tuam et veritatem tuam in ecclesia multa

Psa 40:11

Psa 40:11[Vulgate 39:12] tu Domine non prohibebis misericordias tuas a me misericordia tua et veritas iugiter servabunt me

Psa 40:12

Psa 40:12[Vulgate 39:13] circumdederunt enim me mala quorum non est numerus conprehenderunt me iniquitates meae et non potui videre plures factae sunt quam capilli capitis mei et cor meum dereliquit me

Psa 40:13

Psa 40:13[Vulgate 39:14] placeat tibi Domine ut liberes me Domine ad adiuvandum me festina

Psa 40:14

Psa 40:14[Vulgate 39:15] confundantur et revereantur simul quaerentes animam meam ut auferant eam convertantur retrorsum et confundantur qui volunt mala mihi

Psa 40:15

Psa 40:15[Vulgate 39:16] pereant post confusionem suam qui dicunt mihi va va

Psa 40:16

Psa 40:16[Vulgate 39:17] gaudeant et laetentur in te qui quaerunt te dicant iugiter magnificetur Dominus qui diligunt salutare tuum

Psa 40:17

Psa 40:17[Vulgate 39:18] ego autem sum egens et pauper Dominus sollicitus erit pro me auxilium meum et salutare meum tu Deus meus ne moreris

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.