Psalmi (Psalm) 38 :: Latin Vulgate (VUL)

Psa 38:1

Psa 38:1[Vulgate 37:1] canticum David in commemoratione [Vulgate 37:2] Domine ne in ira tua arguas me neque in furore tuo corripias me

Psa 38:2

Psa 38:2[Vulgate 37:3] quia sagittae tuae infixae sunt mihi et tetigit me manus tua

Psa 38:3

Psa 38:3[Vulgate 37:4] non est sanitas in carne mea a facie indignationis tuae non est pax ossibus meis a facie peccati mei

Psa 38:4

Psa 38:4[Vulgate 37:5] quia iniquitates meae transierunt caput meum quasi onus grave adgravatae sunt super me

Psa 38:5

Psa 38:5[Vulgate 37:6] conputruerunt et tabuerunt cicatrices meae a facie insipientiae meae

Psa 38:6

Psa 38:6[Vulgate 37:7] adflictus sum et incurvatus nimis tota die maerens ambulabam

Psa 38:7

Psa 38:7[Vulgate 37:8] quia lumbi mei repleti sunt ignominia et non est sanitas in carne mea

Psa 38:8

Psa 38:8[Vulgate 37:9] evigilavi et adflictus sum nimis rugiebam a gemitu cordis mei

Psa 38:9

Psa 38:9[Vulgate 37:10] Domine in conspectu tuo omne desiderium meum et gemitus meus a te non est absconditus

Psa 38:10

Psa 38:10[Vulgate 37:11] cor meum fluctuabat dereliquit me fortitudo mea et lux oculorum meorum etiam ipsa non est mecum

Psa 38:11

Psa 38:11[Vulgate 37:12] cari mei et amici mei quasi contra lepram meam steterunt et vicini mei longe steterunt

Psa 38:12

Psa 38:12[Vulgate 37:13] et inruebant quaerentes animam meam et investigantes mala mihi loquebantur insidias et dolos tota die meditabantur

Psa 38:13

Psa 38:13[Vulgate 37:14] ego autem quasi surdus non audiebam et quasi mutus non aperiebam os meum

Psa 38:14

Psa 38:14[Vulgate 37:15] et eram quasi homo non audiens nec habens in ore suo redargutiones

Psa 38:15

Psa 38:15[Vulgate 37:16] te enim Domine expectabam tu exaudies Domine Deus meus

Psa 38:16

Psa 38:16[Vulgate 37:17] quia dixi ne forte insultent mihi et cum vacillaverint pedes mei super me magnificentur

Psa 38:17

Psa 38:17[Vulgate 37:18] quia ego ad plagas paratus et dolor meus contra me est semper

Psa 38:18

Psa 38:18[Vulgate 37:19] quia iniquitatem meam adnuntio sollicitus ero pro peccato meo

Psa 38:19

Psa 38:19[Vulgate 37:20] inimici autem mei viventes confortati sunt et multiplicati sunt odientes me mendaciter

Psa 38:20

Psa 38:20[Vulgate 37:21] et qui reddunt malum pro bono adversabantur mihi quia sequebar bonum

Psa 38:21

Psa 38:21[Vulgate 37:22] ne derelinquas me Domine Deus meus ne elongeris a me

Psa 38:22

Psa 38:22[Vulgate 37:23] festina in auxilium meum Domine salutis meae

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.