Psalmi (Psalm) 37 (VUL) - [Vulgate 36:1] David aleph noli

Psa 37:1

¶

Psa 37:1[Vulgate 36:1] David aleph noli contendere cum malignis neque aemuleris facientes iniquitatem

Psa 37:2

Psa 37:2[Vulgate 36:2] quoniam sicut herba velociter conterentur et sicut holus viride arescent

Psa 37:3

Psa 37:3[Vulgate 36:3] beth spera in Domino et fac bonum peregrinare in terra et pascere fide

Psa 37:4

Psa 37:4[Vulgate 36:4] et delectare in Domino et dabit tibi petitiones cordis tui

Psa 37:5

Psa 37:5[Vulgate 36:5] gimel volve super Dominum viam tuam et confide in eo et ipse faciet

Psa 37:6

Psa 37:6[Vulgate 36:6] et educet sicut lumen iustitiam tuam et iudicium tuum sicut meridiem

Psa 37:7

Psa 37:7[Vulgate 36:7] deleth tace Domino et expecta eum noli contendere adversum eum qui proficit in via sua adversum virum qui facit quae cogitat

Psa 37:8

Psa 37:8[Vulgate 36:8] he dimitte iram et relinque furorem noli contendere ut malefacias

Psa 37:9

Psa 37:9[Vulgate 36:9] quoniam qui malefaciunt interibunt expectantes autem Dominum ipsi hereditabunt terram

Psa 37:10

Psa 37:10[Vulgate 36:10] vav adhuc enim modicum et non erit impius et cogitabis de loco eius et non subsistet

Psa 37:11

Psa 37:11[Vulgate 36:11] mites autem hereditabunt terram et delectabuntur in multitudine pacis

Psa 37:12

Psa 37:12[Vulgate 36:12] zai cogitat impius de iusto et frendet adversum eum dentibus suis

Psa 37:13

Psa 37:13[Vulgate 36:13] Dominus deridebit eum videns quod venit dies eius

Psa 37:14

Psa 37:14[Vulgate 36:14] heth gladium evaginaverunt impii tetenderunt arcum suum ut percutiant egenum et pauperem et interficiant rectos in via

Psa 37:15

Psa 37:15[Vulgate 36:15] gladius eorum ingrediatur in cor eorum et arcus eorum confringantur

Psa 37:16

Psa 37:16[Vulgate 36:16] teth melius est parum iusto quam divitiae impiorum multae

Psa 37:17

Psa 37:17[Vulgate 36:17] quia brachia impiorum confringentur sublevat autem iustos Dominus

Psa 37:18

Psa 37:18[Vulgate 36:18] ioth novit Dominus diem inmaculatorum et hereditas eorum aeterna erit

Psa 37:19

Psa 37:19[Vulgate 36:19] non confundentur in tempore malo et in diebus famis saturabuntur

Psa 37:20

Psa 37:20[Vulgate 36:20] caph quia impii peribunt et inimici Domini gloriantes ut monocerotes consumentur sicut fumus consumitur

Psa 37:21

Psa 37:21[Vulgate 36:21] lameth fenus accipit impius et non reddit iustus autem donat et tribuit

Psa 37:22

Psa 37:22[Vulgate 36:22] quia qui benedicti fuerint ab eo hereditabunt terram et qui maledicti interibunt

Psa 37:23

Psa 37:23[Vulgate 36:23] mem a Domino gressus viri firmantur et viam eius volet

Psa 37:24

Psa 37:24[Vulgate 36:24] cum ceciderit non adlidetur quia Dominus sustentat manum eius

Psa 37:25

Psa 37:25[Vulgate 36:25] nun puer fui siquidem senui et non vidi iustum derelictum neque semen eius quaerens panem

Psa 37:26

Psa 37:26[Vulgate 36:26] tota die donat et commodat et semen eius in benedictione

Psa 37:27

Psa 37:27[Vulgate 36:27] samech recede a malo et fac bonum et habita in sempiterno

Psa 37:28

Psa 37:28[Vulgate 36:28] quia Dominus diligit iudicium et non derelinquet sanctos suos ain in aeternum custoditi sunt et semen impiorum periit

Psa 37:29

Psa 37:29[Vulgate 36:29] iusti hereditabunt terram et habitabunt in saeculum super eam

Psa 37:30

Psa 37:30[Vulgate 36:30] fe os iusti meditabitur sapientiam et lingua eius loquetur iudicium

Psa 37:31

Psa 37:31[Vulgate 36:31] lex Dei eius in corde eius non deficient gressus eius

Psa 37:32

Psa 37:32[Vulgate 36:32] sade considerat impius iustum et quaerit ut occidat eum

Psa 37:33

Psa 37:33[Vulgate 36:33] Dominus non derelinquet eum in manu eius et non condemnabit eum cum iudicatur

Psa 37:34

Psa 37:34[Vulgate 36:34] coph expecta Dominum et custodi viam eius et exaltabit te ut possideas terram cum interibunt impii videbis

Psa 37:35

Psa 37:35[Vulgate 36:35] res vidi impium robustum et fortissimum sicut indigenam virentem

Psa 37:36

Psa 37:36[Vulgate 36:36] et transivi et ecce non erat et quaesivi eum et non est inventus

Psa 37:37

Psa 37:37[Vulgate 36:37] sen custodi simplicitatem et vide rectum quia erit ad extremum viro pax

Psa 37:38

Psa 37:38[Vulgate 36:38] iniqui autem delebuntur pariter et novissimum impiorum peribit

Psa 37:39

Psa 37:39[Vulgate 36:39] thau salus iustorum a Domino fortitudo eorum in tempore tribulationis

Psa 37:40

Psa 37:40[Vulgate 36:40] et auxiliabitur eis Dominus et salvabit eos ab impiis quia speraverunt in eo

Psalmi (Psalm) 37 :: Latin Vulgate (VUL)