Psalmi (Psalm) 36 :: Latin Vulgate (VUL)

Psa 36:1

Psa 36:1[Vulgate 35:1] pro victoria servi Domini David [Vulgate 35:2] dixit scelus impii in medio cordis eius non esse timorem Dei ante oculos eius

Psa 36:2

Psa 36:2[Vulgate 35:3] quia dolose egit adversum eum in oculis suis ut inveniret iniquitatem eius ad odiendum

Psa 36:3

Psa 36:3[Vulgate 35:4] verba oris eius iniquitas et dolus cessavit cogitare benefacere

Psa 36:4

Psa 36:4[Vulgate 35:5] iniquitatem cogitat in cubili suo stabit in via non bona malum non abiciet

Psa 36:5

Psa 36:5[Vulgate 35:6] Domine in caelo misericordia tua fides tua usque ad nubes

Psa 36:6

Psa 36:6[Vulgate 35:7] iustitia tua quasi montes Domine iudicium tuum abyssus multa homines et iumenta salvos facies Domine

Psa 36:7

Psa 36:7[Vulgate 35:8] quam pretiosa est misericordia tua Domine et filii Adam in umbra alarum tuarum sperabunt

Psa 36:8

Psa 36:8[Vulgate 35:9] inebriabuntur de pinguidine domus tuae et torrente deliciarum tuarum potabis eos

Psa 36:9

Psa 36:9[Vulgate 35:10] quoniam tecum est fons vitae in lumine tuo videbimus lumen

Psa 36:10

Psa 36:10[Vulgate 35:11] adtrahe misericordiam tuam scientibus te et iustitiam tuam rectis corde

Psa 36:11

Psa 36:11[Vulgate 35:12] ne veniat mihi pes superbiae et manus impiorum non me commoveat

Psa 36:12

Psa 36:12[Vulgate 35:13] ibi ceciderunt operantes iniquitatem expulsi sunt et non potuerunt surgere

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.