Psalmi (Psalm) 34 :: Latin Vulgate (VUL)

Psa 34:1

Psa 34:1[Vulgate 33:1] David quando commutavit os suum coram Abimelech et eiecit eum et abiit [Vulgate 33:2] benedicam Domino in omni tempore semper laus eius in ore meo

Psa 34:2

Psa 34:2[Vulgate 33:3] in Domino laetabitur anima mea audiant mites et laetentur

Psa 34:3

Psa 34:3[Vulgate 33:4] magnificate Dominum mecum et exaltemus nomen eius pariter

Psa 34:4

Psa 34:4[Vulgate 33:5] quaesivi Dominum et exaudivit me et de omnibus angustiis meis liberavit me

Psa 34:5

Psa 34:5[Vulgate 33:6] respicite ad eum et confluite et vultus vestri non confundentur

Psa 34:6

Psa 34:6[Vulgate 33:7] hic pauper clamavit et Dominus exaudivit de omnibus tribulationibus salvabit eum

Psa 34:7

Psa 34:7[Vulgate 33:8] circumdat angelus Domini in gyro timentes eum et eruet eos

Psa 34:8

Psa 34:8[Vulgate 33:9] gustate et videte quoniam bonus Dominus beatus vir qui sperat in eo

Psa 34:9

Psa 34:9[Vulgate 33:10] timete Dominum sancti eius quoniam non est inopia timentibus eum

Psa 34:10

Psa 34:10[Vulgate 33:11] leones indiguerunt et esurierunt quaerentibus autem Dominum non deerit omne bonum

Psa 34:11

Psa 34:11[Vulgate 33:12] venite filii audite me timorem Domini docebo vos

Psa 34:12

Psa 34:12[Vulgate 33:13] quis est vir qui velit vitam diligens dies videre bonos

Psa 34:13

Psa 34:13[Vulgate 33:14] custodi linguam tuam a malo et labia tua ne loquantur dolum

Psa 34:14

Psa 34:14[Vulgate 33:15] recede a malo et fac bonum quaere pacem et persequere eam

Psa 34:15

Psa 34:15[Vulgate 33:16] oculi Domini ad iustos et aures eius ad clamorem eorum

Psa 34:16

Psa 34:16[Vulgate 33:17] vultus Domini super facientes malum ut perdat de terra memoriam eorum

Psa 34:17

Psa 34:17[Vulgate 33:18] clamaverunt et Dominus exaudivit et ex omnibus tribulationibus eorum liberavit eos

Psa 34:18

Psa 34:18[Vulgate 33:19] iuxta est Dominus contritis corde et confractos spiritu salvabit

Psa 34:19

Psa 34:19[Vulgate 33:20] multae tribulationes iusti et ex omnibus illis liberabit eum Dominus

Psa 34:20

Psa 34:20[Vulgate 33:21] custodit omnia ossa eius unum ex eis non confringetur

Psa 34:21

Psa 34:21[Vulgate 33:22] interficiet impium malitia et odientes iustum superabuntur

Psa 34:22

Psa 34:22[Vulgate 33:23] redimet Dominus animam servorum suorum et non peccabunt omnes sperantes in eo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.