Psalmi (Psalm) 27 :: Latin Vulgate (VUL)

Psa 27:1[Vulgate 26:1] David Dominus lux mea et salutare meum quem timebo Dominus fortitudo vitae meae quem formidabo

Psa 27:2[Vulgate 26:2] cum adpropinquarent mihi maligni ut comederent carnem meam hostes mei et inimici mei ipsi inpigerunt et ceciderunt

Psa 27:3

Psa 27:3[Vulgate 26:3] si steterint adversus me castra non timebit cor meum si surrexerit contra me bellum in hoc ego confidam

Psa 27:4

Psa 27:4[Vulgate 26:4] unum petivi a Domino hoc requiram ut habitem in domo Domini omnibus diebus vitae meae ut videam pulchritudinem Domini et adtendam templum eius

Psa 27:5

Psa 27:5[Vulgate 26:5] abscondet enim me in umbra sua in die pessima abscondet me in secreto tabernaculi sui

Psa 27:6

Psa 27:6[Vulgate 26:6] in petra exaltabit me nunc quoque exaltabit caput meum super inimicos meos qui sunt in circuitu meo et immolabo in tabernaculo eius hostias iubili cantabo et psallam Domino

Psa 27:7

Psa 27:7[Vulgate 26:7] audi Domine vocem meam invocantis miserere mei et exaudi me

Psa 27:8

Psa 27:8[Vulgate 26:8] tibi dixit cor meum quaesivit vultus meus faciem tuam Domine et requiram

Psa 27:9

Psa 27:9[Vulgate 26:9] ne abscondas faciem tuam a me ne declines in furore tuo a servo tuo auxilium meum fuisti ne derelinquas me et ne dimittas me Deus salvator meus

Psa 27:10

Psa 27:10[Vulgate 26:10] pater enim meus et mater mea dereliquerunt me Dominus autem collegit me

Psa 27:11

Psa 27:11[Vulgate 26:11] ostende mihi Domine viam tuam et deduc me in semita recta propter insidiatores meos

Psa 27:12

Psa 27:12[Vulgate 26:12] ne tradas me Domine animae tribulantium me quoniam surrexerunt contra me testes falsi et apertum mendacium

Psa 27:13

Psa 27:13[Vulgate 26:13] ego autem credo quod videam bona Domini in terra viventium

Psa 27:14

Psa 27:14[Vulgate 26:14] expecta Dominum confortare et roboretur cor tuum et sustine Dominum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.