Psalmi (Psalm) 21 :: Latin Vulgate (VUL)

Psa 21:1

Psa 21:1[Vulgate 20:1] victori canticum David [Vulgate 20:2] Domine in fortitudine tua laetabitur rex et in salutari tuo exultabit vehementer

Psa 21:2

Psa 21:2[Vulgate 20:3] desiderium cordis eius dedisti ei et voluntate labiorum eius non fraudasti eum semper

Psa 21:3

Psa 21:3[Vulgate 20:4] quoniam praevenies eum benedictionibus bonitatis pones in capite eius coronam de lapide pretioso

Psa 21:4

Psa 21:4[Vulgate 20:5] vitam petivit te et dedisti ei longitudinem dierum in saeculum et in aeternum

Psa 21:5

Psa 21:5[Vulgate 20:6] magna gloria eius in salutari tuo gloriam et decorem pones super eum

Psa 21:6

Psa 21:6[Vulgate 20:7] pones enim eum benedictionem sempiternam et hilarabis eum laetitia apud vultum tuum

Psa 21:7

Psa 21:7[Vulgate 20:8] quia rex confidet in Domino et in misericordia Excelsi non decipietur

Psa 21:8

Psa 21:8[Vulgate 20:9] inveniet manus tua omnes inimicos tuos dextera tua inveniet odientes te

Psa 21:9

Psa 21:9[Vulgate 20:10] pones eos ut clibanum ignis in tempore vultus tui Dominus in furore suo praecipitabit eos et devorabit eos ignis

Psa 21:10

Psa 21:10[Vulgate 20:11] fructum eorum de terra perdes et semen eorum de filiis hominum

Psa 21:11

Psa 21:11[Vulgate 20:12] quoniam inclinaverunt super te malum cogitaverunt scelus quod non potuerunt

Psa 21:12

Psa 21:12[Vulgate 20:13] quia pones eos umerum funes tuos firmabis contra facies eorum

Psa 21:13

Psa 21:13[Vulgate 20:14] exaltare Domine in fortitudine tua cantabimus et psallemus fortitudines tuas

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.