Psalmi (Psalm) 19 :: Latin Vulgate (VUL)

Psa 19:1

Psa 19:1[Vulgate 18:1] victori canticum David [Vulgate 18:2] caeli enarrant gloriam Dei et opus manus eius adnuntiat firmamentum

Psa 19:2

Psa 19:2[Vulgate 18:3] dies diei eructat verbum et nox nocti indicat scientiam

Psa 19:3

Psa 19:3[Vulgate 18:4] non est sermo et non sunt verba quibus non audiatur vox eorum

Psa 19:4

Psa 19:4[Vulgate 18:5] in universam terram exivit sonus eorum et in finibus orbis verba eorum

Psa 19:5

Psa 19:5[Vulgate 18:6] soli posuit tabernaculum in eis et ipse quasi sponsus procedens de thalamo suo exultavit ut fortis ad currendam viam

Psa 19:6

Psa 19:6[Vulgate 18:7] a summitate caeli egressus eius et cursus eius usque ad summitatem illius nec est qui se abscondat a calore eius

Psa 19:7

Psa 19:7[Vulgate 18:8] lex Domini inmaculata convertens animam testimonium Domini fidele sapientiam praestans parvulis

Psa 19:8

Psa 19:8[Vulgate 18:9] praecepta Domini recta laetificantia cor mandatum Domini lucidum inluminans oculos

Psa 19:9

Psa 19:9[Vulgate 18:10] timor Domini mundus perseverans in saecula iudicia Domini vera iustificata in semet ipsis

Psa 19:10

Psa 19:10[Vulgate 18:11] desiderabilia super aurum et lapidem pretiosum multum et dulciora super mel et favum redundantem

Psa 19:11

Psa 19:11[Vulgate 18:12] unde et servus tuus docebit ea in custodiendis eis fructus multus

Psa 19:12

Psa 19:12[Vulgate 18:13] errores quis intelleget ab occultis munda me

Psa 19:13

Psa 19:13[Vulgate 18:14] a superbis quoque libera servum tuum si non fuerint dominati mei tunc inmaculatus ero et mundabor a delicto maximo

Psa 19:14

Psa 19:14[Vulgate 18:15] sint placentes sermones oris mei meditatio cordis mei in conspectu tuo Domine fortitudo mea et redemptor meus

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.