Psalmi (Psalm) 147 :: Latin Vulgate (VUL)

Psa 147:1

Psa 147:1[Vulgate 146:1] alleluia laudate Dominum quoniam bonum est canticum Dei nostri quoniam decorum est pulchra laudatio

Psa 147:2

Psa 147:2[Vulgate 146:2] aedificabit Hierusalem Dominus eiectos Israhel congregabit

Psa 147:3

Psa 147:3[Vulgate 146:3] qui sanat contritos corde et alligat plagas eorum

Psa 147:4

Psa 147:4[Vulgate 146:4] qui numerat multitudinem stellarum et omnes nomine suo vocat

Psa 147:5

Psa 147:5[Vulgate 146:5] magnus Dominus noster et multus fortitudine prudentiae eius non est numerus

Psa 147:6

Psa 147:6[Vulgate 146:6] suscipiens mansuetos Dominus humilians impios usque ad terram

Psa 147:7

Psa 147:7[Vulgate 146:7] canite Domino in confessione canite Deo nostro in cithara

Psa 147:8

Psa 147:8[Vulgate 146:8] qui operit caelos nubibus et praebet terrae pluviam et oriri facit in montibus germen

Psa 147:9

Psa 147:9[Vulgate 146:9] qui dat iumentis panem suum filiis corvi clamantibus

Psa 147:10

Psa 147:10[Vulgate 146:10] non est in fortitudine equi voluntas eius neque in tibiis viri placetur ei

Psa 147:11

Psa 147:11[Vulgate 146:11] placetur Domino in his qui timent eum et expectant misericordiam eius

Psa 147:12

Psa 147:12lauda Hierusalem Dominum cane Deum tuum Sion

Psa 147:13

Psa 147:13quia confortavit vectes portarum tuarum benedixit filiis tuis in medio tui

Psa 147:14

Psa 147:14qui posuit terminum tuum pacem adipe frumenti saturavit te

Psa 147:15

Psa 147:15qui emittit eloquium suum terrae velociter curret verbum eius

Psa 147:16

Psa 147:16qui dat nivem quasi lanam pruinas quasi cinerem spargit

Psa 147:17

Psa 147:17proicit glaciem suam quasi buccellas ante faciem frigoris eius quis stabit

Psa 147:18

Psa 147:18mittet verbum suum et solvet illa spirabit spiritu suo et fluent aquae

Psa 147:19

Psa 147:19qui adnuntiat verbum suum Iacob praecepta sua et iudicia sua Israhel

Psa 147:20

Psa 147:20non fecit similiter omni genti et iudicia eius non cognoscent alleluia

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.