Psalmi (Psalm) 145 :: Latin Vulgate (VUL)

Psa 145:1

Psa 145:1[Vulgate 144:1] hymnus David aleph exaltabo te Deus meus rex et benedicam nomini tuo in aeternum et ultra

Psa 145:2

Psa 145:2[Vulgate 144:2] beth in omni die benedicam tibi et laudabo nomen tuum in sempiternum iugiter

Psa 145:3

Psa 145:3[Vulgate 144:3] gimel magnus Deus et laudabilis nimis et magnificentiae eius non est inventio

Psa 145:4

Psa 145:4[Vulgate 144:4] deleth generatio ad generationem laudabit opera tua et fortitudines tuas adnuntiabunt

Psa 145:5

Psa 145:5[Vulgate 144:5] he decorem gloriae magnitudinis tuae et verba mirabilium tuorum loquar

Psa 145:6

Psa 145:6[Vulgate 144:6] vav et fortitudinem horribilium tuorum loquentur et magnitudines tuas narrabo

Psa 145:7

Psa 145:7[Vulgate 144:7] zai memoriam multae bonitatis tuae loquentur et iustitias tuas laudabunt

Psa 145:8

Psa 145:8[Vulgate 144:8] heth clemens et misericors Dominus patiens et multae miserationis

Psa 145:9

Psa 145:9[Vulgate 144:9] teth bonus Dominus omnibus et misericordiae eius in universa opera eius

Psa 145:10

Psa 145:10[Vulgate 144:10] ioth confiteantur tibi Domine omnia opera tua et sancti tui benedicant tibi

Psa 145:11

Psa 145:11[Vulgate 144:11] caph gloriam regni tui dicent et fortitudines tuas loquentur

Psa 145:12

Psa 145:12[Vulgate 144:12] lameth ut ostendant filiis hominum fortitudines eius et gloriam decoris regni eius

Psa 145:13

Psa 145:13[Vulgate 144:13] mem regnum tuum regnum omnium saeculorum et potestas tua in omni generatione et generatione

Psa 145:14

Psa 145:14[Vulgate 144:14] samech sustentat Dominus omnes corruentes et erigit universos iacentes

Psa 145:15

Psa 145:15[Vulgate 144:15] ain oculi eorum in te sperant et tu das eis escam suam in tempore suo

Psa 145:16

Psa 145:16[Vulgate 144:16] fe aperis manus tuas et imples omne animal refectione

Psa 145:17

Psa 145:17[Vulgate 144:17] sade iustus Dominus in omnibus viis suis et sanctus in omnibus operibus suis

Psa 145:18

Psa 145:18[Vulgate 144:18] coph iuxta est Dominus omnibus qui invocant eum omnibus qui invocant eum in veritate

Psa 145:19

Psa 145:19[Vulgate 144:19] res placitum timentium se faciet et clamorem eorum audiet et salvabit eos

Psa 145:20

Psa 145:20[Vulgate 144:20] sen custodit Dominus omnes diligentes se et universos impios conteret

Psa 145:21

Psa 145:21[Vulgate 144:21] thau laudem Domini loquetur os meum et benedicet omnis caro nomini sancto eius in aeternum et iugiter

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.