Psalmi (Psalm) 144 :: Latin Vulgate (VUL)

Psa 144:1[Vulgate 143:1] David benedictus Dominus fortis meus qui docet manus meas ad proelium digitos meos ad bellum

Psa 144:2[Vulgate 143:2] misericordia mea et fortitudo mea auxiliator meus et salvator meus scutum meum et in ipso speravi qui subiecit populos mihi

Psa 144:3

Psa 144:3[Vulgate 143:3] Domine quid est homo quia cognoscis eum filius hominis quia conputas eum

Psa 144:4

Psa 144:4[Vulgate 143:4] homo vanitati adsimilatus est dies eius quasi umbra pertransiens

Psa 144:5

Psa 144:5[Vulgate 143:5] Domine inclina caelos tuos et descende tange montes et fumigabunt

Psa 144:6

Psa 144:6[Vulgate 143:6] mica fulmine et dissipa eos mitte sagittam tuam et interfice illos

Psa 144:7

Psa 144:7[Vulgate 143:7] extende manum tuam de excelso libera me et erue me de aquis multis de manu filiorum alienorum

Psa 144:8

Psa 144:8[Vulgate 143:8] quorum os locutum est vanitatem et dextera eorum dextera mendacii

Psa 144:9

Psa 144:9[Vulgate 143:9] Deus canticum novum cantabo tibi in psalterio decacordo psallam tibi

Psa 144:10

Psa 144:10[Vulgate 143:10] qui dat salutem regibus qui eruit David servum suum de gladio pessimo

Psa 144:11

Psa 144:11[Vulgate 143:11] libera me et erue me de manu filiorum alienorum quorum os locutum est vanitatem et dextera eorum dextera mendacii

Psa 144:12

Psa 144:12[Vulgate 143:12] ut sint filii nostri quasi plantatio crescens in adulescentia sua filiae nostrae quasi anguli ornati ad similitudinem templi

Psa 144:13

Psa 144:13[Vulgate 143:13] promptuaria nostra plena et supereffundentia ex hoc in illud pecora nostra in milibus et innumerabilia in conpitis nostris

Psa 144:14

Psa 144:14[Vulgate 143:14] tauri nostri pingues non est interruptio et non est egressus et non est ululatus in plateis nostris

Psa 144:15

Psa 144:15[Vulgate 143:15] beatus populus cuius talia sunt beatus populus cuius Dominus Deus suus

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.