Psalmi (Psalm) 132 :: Latin Vulgate (VUL)

Psa 132:1

Psa 132:1[Vulgate 131:1] canticum graduum memento Domine David et omnis adflictionis eius

Psa 132:2

Psa 132:2[Vulgate 131:2] qui iuravit Domino votum vovit Deo Iacob

Psa 132:3

Psa 132:3[Vulgate 131:3] si intravero in tabernaculum domus meae si adsedero super lectum straminis mei

Psa 132:4

Psa 132:4[Vulgate 131:4] si dedero somnum oculis meis et palpebris dormitationem

Psa 132:5

Psa 132:5[Vulgate 131:5] donec inveniam locum Domino tabernacula Deo Iacob

Psa 132:6

Psa 132:6[Vulgate 131:6] ecce audivimus illum in Ephrata invenimus illum in regione saltus

Psa 132:7

Psa 132:7[Vulgate 131:7] intremus in tabernacula eius adoremus scabillum pedum eius

Psa 132:8

Psa 132:8[Vulgate 131:8] surge Domine in requiem tuam tu et arca fortitudinis tuae

Psa 132:9

Psa 132:9[Vulgate 131:9] sacerdotes tui induantur iustitia et sancti tui laudent

Psa 132:10

Psa 132:10[Vulgate 131:10] propter David servum tuum ne avertas faciem christi tui

Psa 132:11

Psa 132:11[Vulgate 131:11] iuravit Dominus David veritatem non avertetur ab ea de fructu ventris tui ponam super sedem tuam

Psa 132:12

Psa 132:12[Vulgate 131:12] si custodierint filii tui pactum meum et testificationem meam quam docuero eos et filii eorum usque in aeternum sedebunt super thronum tuum

Psa 132:13

Psa 132:13[Vulgate 131:13] quia elegit Dominus Sion desideravit eam in habitaculum suum

Psa 132:14

Psa 132:14[Vulgate 131:14] haec est requies mea in sempiternum hic habitabo quia desideravi eam

Psa 132:15

Psa 132:15[Vulgate 131:15] venationem eius benedicens benedicam pauperes eius saturabo pane

Psa 132:16

Psa 132:16[Vulgate 131:16] sacerdotes eius induam salutari et sancti eius laude laudabunt

Psa 132:17

Psa 132:17[Vulgate 131:17] ibi oriri faciam cornu David paravi lucernam christo meo

Psa 132:18

Psa 132:18[Vulgate 131:18] inimicos eius induam confusione super ipsum autem florebit sanctificatio eius

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.