Psalmi (Psalm) 115 :: Latin Vulgate (VUL)

Psa 115:1

Psa 115:1[Vulgate 113:9] non nobis Domine non nobis sed nomini tuo da gloriam [Vulgate 113:10a] propter misericordiam tuam et veritatem tuam

Psa 115:2

Psa 115:2[Vulgate 113:10b] ne dicant gentes ubi est Deus eorum

Psa 115:3

Psa 115:3[Vulgate 113:11] Deus autem noster in caelo universa quae voluit fecit

Psa 115:4

Psa 115:4[Vulgate 113:12] idola gentium argentum et aurum opus manuum hominum

Psa 115:5

Psa 115:5[Vulgate 113:13] os habent et non loquentur oculos habent et non videbunt

Psa 115:6

Psa 115:6[Vulgate 113:14] aures habent et non audient nasum habent et non odorabuntur

Psa 115:7

Psa 115:7[Vulgate 113:15] manus habent et non palpabunt pedes habent et non ambulabunt nec sonabunt in gutture suo

Psa 115:8

Psa 115:8[Vulgate 113:16] similes illis fiant qui faciunt ea omnis qui confidit in eis

Psa 115:9

Psa 115:9[Vulgate 113:17] Israhel confidet in Domino auxiliator et protector eorum est

Psa 115:10

Psa 115:10[Vulgate 113:18] domus Aaron confidet in Domino auxiliator et protector eorum est

Psa 115:11

Psa 115:11[Vulgate 113:19] timentes Dominum confident in Domino auxiliator et protector eorum est

Psa 115:12

Psa 115:12[Vulgate 113:20] Dominus recordatus nostri benedicet benedicet domui Israhel benedicet domui Aaron

Psa 115:13

Psa 115:13[Vulgate 113:21] benedicet timentibus Dominum parvis et magnis

Psa 115:14

Psa 115:14[Vulgate 113:22] addat Dominus super vos super vos et super filios vestros

Psa 115:15

Psa 115:15[Vulgate 113:23] benedicti vos Domino qui fecit caelos et terram

Psa 115:16

Psa 115:16[Vulgate 113:24] caelum caelorum Domino terram autem dedit filiis hominum

Psa 115:17

Psa 115:17[Vulgate 113:25] non mortui laudabunt Dominum nec omnes qui descendunt in silentium

Psa 115:18

Psa 115:18[Vulgate 113:26] sed nos benedicimus Domino amodo et usque in aeternum alleluia

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.