Psalmi (Psalm) 109 :: Latin Vulgate (VUL)

Psa 109:1[Vulgate 108:1] pro victoria David canticum [Vulgate 108:2a] Deus laudabilis mihi ne taceas

Psa 109:2[Vulgate 108:2b] quia os impii et os dolosi contra me apertum est [Vulgate 108:3a] locuti sunt de me lingua mendacii

Psa 109:3

Psa 109:3[Vulgate 108:3b] verbis odii circumdederunt me et expugnaverunt me frustra

Psa 109:4

Psa 109:4[Vulgate 108:4] pro eo quod eos diligebam adversabantur mihi ego autem orabam

Psa 109:5

Psa 109:5[Vulgate 108:5] et posuerunt contra me malum pro bono et odium pro dilectione mea

Psa 109:6

Psa 109:6[Vulgate 108:6] constitue super eum impium et Satan astet a dextris eius

Psa 109:7

Psa 109:7[Vulgate 108:7] cum fuerit iudicatus exeat condemnatus et oratio eius sit in peccatum

Psa 109:8

Psa 109:8[Vulgate 108:8] fiant dies eius parvi episcopatum eius accipiat alter

Psa 109:9

Psa 109:9[Vulgate 108:9] sint filii eius pupilli et uxor eius vidua

Psa 109:10

Psa 109:10[Vulgate 108:10] instabiles vagentur liberi eius et mendicent et quaerantur in parietinis suis

Psa 109:11

Psa 109:11[Vulgate 108:11] scrutetur exactor universa quae habet et diripiant alieni laborem eius

Psa 109:12

Psa 109:12[Vulgate 108:12] non sit qui eius misereatur nec qui clemens sit in pupillos eius

Psa 109:13

Psa 109:13[Vulgate 108:13] fiat novissimum eius interitus in generatione altera deleatur nomen eius

Psa 109:14

Psa 109:14[Vulgate 108:14] redeat in memoria iniquitas patrum eius apud Deum et iniquitas matris eius ne deleatur

Psa 109:15

Psa 109:15[Vulgate 108:15] sit contra Dominum semper et intereat de terra memoria eorum

Psa 109:16

Psa 109:16[Vulgate 108:16] eo quod non est recordatus facere misericordiam

Psa 109:17

Psa 109:17[Vulgate 108:17] et persecutus est virum inopem et pauperem et conpunctum corde ut interficeret

Psa 109:18

Psa 109:18[Vulgate 108:18] et dilexit maledictionem quae veniet ei et noluit benedictionem quae elongabitur ab eo et indutus est maledictione quasi vestimento suo et ingredietur quasi aqua in viscera eius et quasi oleum in ossa eius

Psa 109:19

Psa 109:19[Vulgate 108:19] sit ei quasi pallium quo circumdatur et quasi cingulum quo semper accingitur

Psa 109:20

Psa 109:20[Vulgate 108:20] haec est retributio his qui adversantur mihi a Domino et qui loquuntur malum contra animam meam

Psa 109:21

Psa 109:21[Vulgate 108:21] tu autem Deus Domine fac mecum propter nomen tuum quoniam bona est misericordia tua libera me

Psa 109:22

Psa 109:22[Vulgate 108:22] quoniam egenus et pauper sum et cor meum vulneratum est intrinsecus

Psa 109:23

Psa 109:23[Vulgate 108:23] quasi umbra cum inclinatur abductus sum et excussus quasi lucusta

Psa 109:24

Psa 109:24[Vulgate 108:24] genua mea vacillaverunt a ieiunio et caro mea mutata est absque oleo

Psa 109:25

Psa 109:25[Vulgate 108:25] et ego factus sum obprobrium eis videntes me moverunt caput suum

Psa 109:26

Psa 109:26[Vulgate 108:26] adiuva me Domine Deus meus salva me secundum misericordiam tuam

Psa 109:27

Psa 109:27[Vulgate 108:27] et sciant quoniam manus tua haec tu Domine fecisti eam

Psa 109:28

Psa 109:28[Vulgate 108:28] maledicent illi et tu benedices restiterunt et confundentur servus autem tuus laetabitur

Psa 109:29

Psa 109:29[Vulgate 108:29] induantur adversarii mei confusione et operiantur quasi indumento confusione sua

Psa 109:30

Psa 109:30[Vulgate 108:30] confitebor Domino vehementer in ore meo et in medio populorum laudabo eum

Psa 109:31

Psa 109:31[Vulgate 108:31] quoniam stabit a dextris pauperis ut salvet a iudicibus animam eius

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.