Previous Chapter Full Page Full Page Next Chapter

Psalmi (Psalm) 106 :: Latin Vulgate (VUL)

Psa 106:1

ΒΆ
Psa 106:1[Vulgate 105:1] alleluia confitemini Domino quoniam bonus quoniam in aeternum misericordia eius

Psa 106:2

Psa 106:2[Vulgate 105:2] quis loquetur fortitudines Domini auditas faciet omnes laudes eius

Psa 106:3

Psa 106:3[Vulgate 105:3] beati qui custodiunt iudicium et faciunt iustitiam in omni tempore

Psa 106:4

Psa 106:4[Vulgate 105:4] recordare mei Domine in repropitiatione populi tui visita me in salutari tuo

Psa 106:5

Psa 106:5[Vulgate 105:5] ut videam bona electorum tuorum et laeter in laetitia gentis tuae et exultem cum hereditate tua

Psa 106:6

Psa 106:6[Vulgate 105:6] peccavimus cum patribus nostris inique fecimus impie egimus

Psa 106:7

Psa 106:7[Vulgate 105:7] patres nostri in Aegypto non intellexerunt mirabilia tua non sunt recordati multitudinis misericordiae tuae et ad iracundiam provocaverunt super mare in mari Rubro

Psa 106:8

Psa 106:8[Vulgate 105:8] salvavit autem eos propter nomen suum ut ostenderet fortitudinem suam

Psa 106:9

Psa 106:9[Vulgate 105:9] et comminatus est mari Rubro et aruit et transduxit eos per abyssos quasi in deserto

Psa 106:10

Psa 106:10[Vulgate 105:10] et salvavit eos de manu odientis et redemit eos de manu inimici

Psa 106:11

Psa 106:11[Vulgate 105:11] et operuit aqua hostes eorum unus de ipsis non superfuit

Psa 106:12

Psa 106:12[Vulgate 105:12] et crediderunt verbis eius cecineruntque laudem eius

Psa 106:13

Psa 106:13[Vulgate 105:13] cito obliti sunt operum illius nec expectaverunt voluntatem eius

Psa 106:14

Psa 106:14[Vulgate 105:14] et desideraverunt desiderium in deserto et temptaverunt Deum in solitudine

Psa 106:15

Psa 106:15[Vulgate 105:15] dedit ergo eis petitionem eorum et misit tenuitatem in animam eorum

Psa 106:16

Psa 106:16[Vulgate 105:16] et zelati sunt Mosen in castris Aaron sanctum Domini

Psa 106:17

Psa 106:17[Vulgate 105:17] aperta est terra et devoravit Dathan et operuit synagogam Abiram

Psa 106:18

Psa 106:18[Vulgate 105:18] et succensus est ignis in synagoga eorum flamma exusit impios

Psa 106:19

Psa 106:19[Vulgate 105:19] fecerunt vitulum in Horeb et adoraverunt conflatile

Psa 106:20

Psa 106:20[Vulgate 105:20] et mutaverunt gloriam suam in similitudine bovis comedentis faenum

Psa 106:21

Psa 106:21[Vulgate 105:21] obliti sunt Dei salvatoris sui qui fecit magnalia in Aegypto

Psa 106:22

Psa 106:22[Vulgate 105:22] mirabilia in terra Ham terribilia super mare Rubrum

Psa 106:23

Psa 106:23[Vulgate 105:23] dixit ergo ut contereret eos nisi Moses electus eius stetisset medius contra faciem illius ut converteret indignationem eius et non interficeret

Psa 106:24

Psa 106:24[Vulgate 105:24] et dispexerunt terram desiderabilem nec crediderunt sermoni eius

Psa 106:25

Psa 106:25[Vulgate 105:25] et murmuraverunt in tabernaculis suis non audierunt vocem Domini

Psa 106:26

Psa 106:26[Vulgate 105:26] et levavit manum suam super eos ut deiceret eos in deserto

Psa 106:27

Psa 106:27[Vulgate 105:27] et ut deiceret semen eorum in gentibus et dispergeret eos in terris

Psa 106:28

Psa 106:28[Vulgate 105:28] et consecrati sunt Beelphegor et comederunt victimas mortuorum

Psa 106:29

Psa 106:29[Vulgate 105:29] et concitaverunt eum in studiis suis et percussit eos plaga

Psa 106:30

Psa 106:30[Vulgate 105:30] stetit autem Finees et deiudicavit et est retenta percussio

Psa 106:31

Psa 106:31[Vulgate 105:31] et reputatum est ei in iustitia in generatione et generatione usque in aeternum

Psa 106:32

Psa 106:32[Vulgate 105:32] et provocaverunt super aquam Contradictionis et adflictus est Moses propter eos

Psa 106:33

Psa 106:33[Vulgate 105:33] quia provocaverunt spiritum eius et praecepit labiis suis

Psa 106:34

Psa 106:34[Vulgate 105:34] non exterminaverunt populos quos dixit Dominus eis

Psa 106:35

Psa 106:35[Vulgate 105:35] et commixti sunt gentibus et didicerunt opera eorum

Psa 106:36

Psa 106:36[Vulgate 105:36] et servierunt sculptilibus eorum et factum est eis in scandalum

Psa 106:37

Psa 106:37[Vulgate 105:37] et immolaverunt filios suos et filias suas daemonibus

Psa 106:38

Psa 106:38[Vulgate 105:38] et effuderunt sanguinem innocentem sanguinem filiorum suorum et filiarum suarum quos immolaverunt sculptilibus Chanaan et polluta est terra sanguinibus

Psa 106:39

Psa 106:39[Vulgate 105:39] et coinquinati sunt in operibus suis et fornicati sunt in studiis suis

Psa 106:40

Psa 106:40[Vulgate 105:40] iratus est itaque furor Domini in populum suum et abominatus est hereditatem suam

Psa 106:41

Psa 106:41[Vulgate 105:41] et dedit eos in manu gentium et dominati sunt eorum qui oderant eos

Psa 106:42

Psa 106:42[Vulgate 105:42] et adflixerunt eos inimici sui et humiliati sunt sub manu eorum

Psa 106:43

Psa 106:43[Vulgate 105:43] multis vicibus liberavit eos ipsi vero provocabant in consiliis suis et humiliati sunt propter iniquitates suas

Psa 106:44

Psa 106:44[Vulgate 105:44] et vidit tribulationem eorum cum audiret eos rogantes

Psa 106:45

Psa 106:45[Vulgate 105:45] et recordatus est pacti sui cum eis et paenituit eum secundum multitudinem misericordiae suae

Psa 106:46

Psa 106:46[Vulgate 105:46] et dedit eos miserabiles coram omnibus qui ceperant eos

Psa 106:47

Psa 106:47[Vulgate 105:47] salva nos Domine Deus noster et congrega nos de gentibus ut confiteamur nomini sancto tuo et canamus laudantes te

Psa 106:48

Psa 106:48[Vulgate 105:48] benedictus Dominus Deus Israhel ab aeterno et usque in aeternum et dicet omnis populus amen alleluia
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.