Psalmi (Psalm) 102 :: Latin Vulgate (VUL)

Psa 102:1

Psa 102:1[Vulgate 101:1] oratio pauperis quando sollicitus fuerit et coram Domino fuderit eloquium suum [Vulgate 101:2] Domine audi orationem meam et clamor meus ad te veniat

Psa 102:2

Psa 102:2[Vulgate 101:3] ne abscondas faciem tuam a me in die tribulationis meae inclina ad me aurem tuam in quacumque die invocavero velociter exaudi me

Psa 102:3

Psa 102:3[Vulgate 101:4] quoniam consumpti sunt sicut fumus dies mei et ossa mea quasi frixa contabuerunt

Psa 102:4

Psa 102:4[Vulgate 101:5] percussum est quasi faenum et arefactum est cor meum quia oblitus sum comedere panem meum

Psa 102:5

Psa 102:5[Vulgate 101:6] a voce gemitus mei adhesit os meum carni meae

Psa 102:6

Psa 102:6[Vulgate 101:7] adsimilatus sum pelicano deserti factus sum quasi bubo solitudinum

Psa 102:7

Psa 102:7[Vulgate 101:8] vigilavi et fui sicut avis solitaria super tectum

Psa 102:8

Psa 102:8[Vulgate 101:9] tota die exprobrabant mihi inimici mei exultantes per me iurabant

Psa 102:9

Psa 102:9[Vulgate 101:10] quia cinerem sicut panem comedi et potum meum cum fletu miscui

Psa 102:10

Psa 102:10[Vulgate 101:11] a facie indignationis et irae tuae quia elevasti me et adlisisti me

Psa 102:11

Psa 102:11[Vulgate 101:12] dies mei quasi umbra inclinati sunt et ego quasi faenum arui

Psa 102:12

Psa 102:12[Vulgate 101:13] tu autem Domine in aeternum permanes memoriale tuum in generatione et generatione

Psa 102:13

Psa 102:13[Vulgate 101:14] tu suscitans misereberis Sion quia tempus est ut miserearis eius quoniam venit tempus quoniam venit pactum

Psa 102:14

Psa 102:14[Vulgate 101:15] quoniam placitos fecerunt servi tui lapides eius et pulverem eius miserabilem

Psa 102:15

Psa 102:15[Vulgate 101:16] et timebunt gentes nomen Domini et universi reges terrae gloriam tuam

Psa 102:16

Psa 102:16[Vulgate 101:17] quia aedificavit Dominus Sion apparuit in gloria sua

Psa 102:17

Psa 102:17[Vulgate 101:18] respexit ad orationem vacui et non dispexit orationem eorum

Psa 102:18

Psa 102:18[Vulgate 101:19] scribatur hoc in generatione novissima et populus qui creabitur laudabit Dominum

Psa 102:19

Psa 102:19[Vulgate 101:20] quoniam prospexit de excelso sanctuario suo Dominus de caelo terram contemplatus est

Psa 102:20

Psa 102:20[Vulgate 101:21] ut audiret gemitum vincti ut solveret filios mortis

Psa 102:21

Psa 102:21[Vulgate 101:22] ut narretur in Sion nomen Domini et laudatio eius in Hierusalem

Psa 102:22

Psa 102:22[Vulgate 101:23] cum congregati fuerint populi simul et regna ut serviant Domino

Psa 102:23

Psa 102:23[Vulgate 101:24] adflixit in via fortitudinem meam adbreviavit dies meos

Psa 102:24

Psa 102:24[Vulgate 101:25] dicam Deus meus ne rapias me in dimidio dierum meorum in generatione generationum anni tui

Psa 102:25

Psa 102:25[Vulgate 101:26] a principio terram fundasti et opus manuum tuarum caeli

Psa 102:26

Psa 102:26[Vulgate 101:27] ipsi peribunt tu autem stabis et omnes quasi vestimentum adterentur et quasi pallium mutabis illos et mutabuntur

Psa 102:27

Psa 102:27[Vulgate 101:28] tu autem ipse es et anni tui non deficient

Psa 102:28

Psa 102:28[Vulgate 101:29] filii servorum tuorum habitabunt et semen eorum ante faciem eorum perseverabit

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.