Psalmi (Psalm) 10 :: Latin Vulgate (VUL)

Psa 10:1

Psa 10:1[Vulgate 9:22] quare Domine stas a longe dispicis in temporibus angustiae

Psa 10:2

Psa 10:2[Vulgate 9:23] in superbia impii ardet pauper capiantur in sceleribus quae cogitaverunt

Psa 10:3

Psa 10:3[Vulgate 9:24] quia laudavit impius desiderium animae suae et avarus adplaudens sibi

Psa 10:4

Psa 10:4[Vulgate 9:25] blasphemavit Dominum impius secundum altitudinem furoris sui non requiret

Psa 10:5

Psa 10:5[Vulgate 9:26] nec est Deus in omnibus cogitationibus eius parturiunt viae eius in omni tempore longe sunt iudicia tua a facie eius omnes inimicos suos dispicit

Psa 10:6

Psa 10:6[Vulgate 9:27] loquitur in corde suo non movebor in generatione et generatione ero sine malo

Psa 10:7

Psa 10:7[Vulgate 9:28] maledictione os eius plenum est et dolis et avaritia sub lingua eius dolor et iniquitas

Psa 10:8

Psa 10:8[Vulgate 9:29] sedet insidians iuxta vestibula in absconditis ut interficiat innocentem

Psa 10:9

Psa 10:9[Vulgate 9:30] oculi eius robustos tuos circumspiciunt insidiatur in abscondito quasi leo in cubili insidiatur ut rapiat pauperem rapiet pauperem cum adtraxerit eum ad rete suum

Psa 10:10

Psa 10:10[Vulgate 9:31] et confractum subiciet et inruet viribus suis valenter

Psa 10:11

Psa 10:11[Vulgate 9:32] dixit in corde suo oblitus est Deus abscondit faciem suam non respiciet in perpetuum

Psa 10:12

Psa 10:12[Vulgate 9:33] surge Domine Deus leva manum tuam noli oblivisci pauperum

Psa 10:13

Psa 10:13[Vulgate 9:34] quare blasphemat impius Deum dicens in corde suo quod non requirat

Psa 10:14

Psa 10:14[Vulgate 9:35] vides quia tu laborem et furorem respicis ut detur in manu tua tibi relinquuntur fortes tui pupillo tu es factus adiutor

Psa 10:15

Psa 10:15[Vulgate 9:36] contere brachium impii et maligni quaeres impietatem eius et non invenies

Psa 10:16

Psa 10:16[Vulgate 9:37] Dominus rex saeculi et aeternitatis perierunt gentes de terra eius

Psa 10:17

Psa 10:17[Vulgate 9:38] desiderium pauperum audit Dominus praeparasti ut cor eorum audiat auris tua

Psa 10:18

Psa 10:18[Vulgate 9:39] ut iudices pupillum et oppressum et nequaquam ultra superbiat homo de terra

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.