Proverbia (Proverbs) 9 :: Latin Vulgate (VUL)

Pro 9:1

Pro 9:1sapientia aedificavit sibi domum excidit columnas septem

Pro 9:2

Pro 9:2immolavit victimas suas miscuit vinum et proposuit mensam suam

Pro 9:3

Pro 9:3misit ancillas suas ut vocarent ad arcem et ad moenia civitatis

Pro 9:4

Pro 9:4si quis est parvulus veniat ad me et insipientibus locuta est

Pro 9:5

Pro 9:5venite comedite panem meum et bibite vinum quod miscui vobis

Pro 9:6

Pro 9:6relinquite infantiam et vivite et ambulate per vias prudentiae

Pro 9:7

Pro 9:7qui erudit derisorem ipse sibi facit iniuriam et qui arguit impium generat maculam sibi

Pro 9:8

Pro 9:8noli arguere derisorem ne oderit te argue sapientem et diliget te

Pro 9:9

Pro 9:9da sapienti et addetur ei sapientia doce iustum et festinabit accipere

Pro 9:10

Pro 9:10principium sapientiae timor Domini et scientia sanctorum prudentia

Pro 9:11

Pro 9:11per me enim multiplicabuntur dies tui et addentur tibi anni vitae

Pro 9:12

Pro 9:12si sapiens fueris tibimet ipsi eris si inlusor solus portabis malum

Pro 9:13

Pro 9:13mulier stulta et clamosa plenaque inlecebris et nihil omnino sciens

Pro 9:14

Pro 9:14sedit in foribus domus suae super sellam in excelso urbis loco

Pro 9:15

Pro 9:15ut vocaret transeuntes viam et pergentes itinere suo

Pro 9:16

Pro 9:16quis est parvulus declinet ad me et vecordi locuta est

Pro 9:17

Pro 9:17aquae furtivae dulciores sunt et panis absconditus suavior

Pro 9:18

Pro 9:18et ignoravit quod gigantes ibi sint et in profundis inferni convivae eius

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.