Proverbia (Proverbs) 8 :: Latin Vulgate (VUL)

Pro 8:1

Pro 8:1numquid non sapientia clamitat et prudentia dat vocem suam

Pro 8:2

Pro 8:2in summis excelsisque verticibus super viam in mediis semitis stans

Pro 8:3

Pro 8:3iuxta portas civitatis in ipsis foribus loquitur dicens

Pro 8:4

Pro 8:4o viri ad vos clamito et vox mea ad filios hominum

Pro 8:5

Pro 8:5intellegite parvuli astutiam et insipientes animadvertite

Pro 8:6

Pro 8:6audite quoniam de rebus magnis locutura sum et aperientur labia mea ut recta praedicent

Pro 8:7

Pro 8:7veritatem meditabitur guttur meum et labia mea detestabuntur impium

Pro 8:8

Pro 8:8iusti sunt omnes sermones mei non est in eis pravum quid neque perversum

Pro 8:9

Pro 8:9recti sunt intellegentibus et aequi invenientibus scientiam

Pro 8:10

Pro 8:10accipite disciplinam meam et non pecuniam doctrinam magis quam aurum eligite

Pro 8:11

Pro 8:11melior est enim sapientia cunctis pretiosissimis et omne desiderabile ei non potest conparari

Pro 8:12

Pro 8:12ego sapientia habito in consilio et eruditis intersum cogitationibus

Pro 8:13

Pro 8:13timor Domini odit malum arrogantiam et superbiam et viam pravam et os bilingue detestor

Pro 8:14

Pro 8:14meum est consilium et aequitas mea prudentia mea est fortitudo

Pro 8:15

Pro 8:15per me reges regnant et legum conditores iusta decernunt

Pro 8:16

Pro 8:16per me principes imperant et potentes decernunt iustitiam

Pro 8:17

Pro 8:17ego diligentes me diligo et qui mane vigilant ad me invenient me

Pro 8:18

Pro 8:18mecum sunt divitiae et gloria opes superbae et iustitia

Pro 8:19

Pro 8:19melior est fructus meus auro et pretioso lapide et genimina mea argento electo

Pro 8:20

Pro 8:20in viis iustitiae ambulo in medio semitarum iudicii

Pro 8:21

Pro 8:21ut ditem diligentes me et thesauros eorum repleam

Pro 8:22

Pro 8:22Dominus possedit me initium viarum suarum antequam quicquam faceret a principio

Pro 8:23

Pro 8:23ab aeterno ordita sum et ex antiquis antequam terra fieret

Pro 8:24

Pro 8:24necdum erant abyssi et ego iam concepta eram necdum fontes aquarum eruperant

Pro 8:25

Pro 8:25necdum montes gravi mole constiterant ante colles ego parturiebar

Pro 8:26

Pro 8:26adhuc terram non fecerat et flumina et cardines orbis terrae

Pro 8:27

Pro 8:27quando praeparabat caelos aderam quando certa lege et gyro vallabat abyssos

Pro 8:28

Pro 8:28quando aethera firmabat sursum et librabat fontes aquarum

Pro 8:29

Pro 8:29quando circumdabat mari terminum suum et legem ponebat aquis ne transirent fines suos quando adpendebat fundamenta terrae

Pro 8:30

Pro 8:30cum eo eram cuncta conponens et delectabar per singulos dies ludens coram eo omni tempore

Pro 8:31

Pro 8:31ludens in orbe terrarum et deliciae meae esse cum filiis hominum

Pro 8:32

Pro 8:32nunc ergo filii audite me beati qui custodiunt vias meas

Pro 8:33

Pro 8:33audite disciplinam et estote sapientes et nolite abicere eam

Pro 8:34

Pro 8:34beatus homo qui audit me qui vigilat ad fores meas cotidie et observat ad postes ostii mei

Pro 8:35

Pro 8:35qui me invenerit inveniet vitam et hauriet salutem a Domino

Pro 8:36

Pro 8:36qui autem in me peccaverit laedet animam suam omnes qui me oderunt diligunt mortem

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.