Proverbia (Proverbs) 6 :: Latin Vulgate (VUL)

Pro 6:1fili mi si spoponderis pro amico tuo defixisti apud extraneum manum tuam

Pro 6:2inlaqueatus es verbis oris tui et captus propriis sermonibus

Pro 6:3fac ergo quod dico fili mi et temet ipsum libera quia incidisti in manu proximi tui discurre festina suscita amicum tuum

Pro 6:4

Pro 6:4ne dederis somnum oculis tuis nec dormitent palpebrae tuae

Pro 6:5

Pro 6:5eruere quasi dammula de manu et quasi avis de insidiis aucupis

Pro 6:6

Pro 6:6vade ad formicam o piger et considera vias eius et disce sapientiam

Pro 6:7

Pro 6:7quae cum non habeat ducem nec praeceptorem nec principem

Pro 6:8

Pro 6:8parat aestate cibum sibi et congregat in messe quod comedat

Pro 6:9

Pro 6:9usquequo piger dormis quando consurges ex somno tuo

Pro 6:10

Pro 6:10paululum dormies paululum dormitabis paululum conseres manus ut dormias

Pro 6:11

Pro 6:11et veniet tibi quasi viator egestas et pauperies quasi vir armatus

Pro 6:12

Pro 6:12homo apostata vir inutilis graditur ore perverso

Pro 6:13

Pro 6:13annuit oculis terit pede digito loquitur

Pro 6:14

Pro 6:14pravo corde machinatur malum et in omni tempore iurgia seminat

Pro 6:15

Pro 6:15huic extemplo veniet perditio sua et subito conteretur nec habebit ultra medicinam

Pro 6:16

Pro 6:16sex sunt quae odit Dominus et septimum detestatur anima eius

Pro 6:17

Pro 6:17oculos sublimes linguam mendacem manus effundentes innoxium sanguinem

Pro 6:18

Pro 6:18cor machinans cogitationes pessimas pedes veloces ad currendum in malum

Pro 6:19

Pro 6:19proferentem mendacia testem fallacem et eum qui seminat inter fratres discordias

Pro 6:20

Pro 6:20conserva fili mi praecepta patris tui et ne dimittas legem matris tuae

Pro 6:21

Pro 6:21liga ea in corde tuo iugiter et circumda gutturi tuo

Pro 6:22

Pro 6:22cum ambulaveris gradiantur tecum cum dormieris custodiant te et evigilans loquere cum eis

Pro 6:23

Pro 6:23quia mandatum lucerna est et lex lux et via vitae increpatio disciplinae

Pro 6:24

Pro 6:24ut custodiant te a muliere mala et a blanda lingua extraneae

Pro 6:25

Pro 6:25non concupiscat pulchritudinem eius cor tuum nec capiaris nutibus illius

Pro 6:26

Pro 6:26pretium enim scorti vix unius est panis mulier autem viri pretiosam animam capit

Pro 6:27

Pro 6:27numquid abscondere potest homo ignem in sinu suo ut vestimenta illius non ardeant

Pro 6:28

Pro 6:28aut ambulare super prunas et non conburentur plantae eius

Pro 6:29

Pro 6:29sic qui ingreditur ad mulierem proximi sui non erit mundus cum tetigerit eam

Pro 6:30

Pro 6:30non grandis est culpae cum quis furatus fuerit furatur enim ut esurientem impleat animam

Pro 6:31

Pro 6:31deprehensus quoque reddet septuplum et omnem substantiam domus suae tradet

Pro 6:32

Pro 6:32qui autem adulter est propter cordis inopiam perdet animam suam

Pro 6:33

Pro 6:33turpitudinem et ignominiam congregat sibi et obprobrium illius non delebitur

Pro 6:34

Pro 6:34quia zelus et furor viri non parcet in die vindictae

Pro 6:35

Pro 6:35nec adquiescet cuiusquam precibus nec suscipiet pro redemptione dona plurima

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.