Proverbia (Proverbs) 31 :: Latin Vulgate (VUL)

Pro 31:1

Pro 31:1verba Lamuhel regis visio qua erudivit eum mater sua

Pro 31:2

Pro 31:2quid dilecte mi quid dilecte uteri mei quid dilecte votorum meorum

Pro 31:3

Pro 31:3ne dederis mulieribus substantiam tuam et vias tuas ad delendos reges

Pro 31:4

Pro 31:4noli regibus o Lamuhel noli regibus dare vinum quia nullum secretum est ubi regnat ebrietas

Pro 31:5

Pro 31:5ne forte bibat et obliviscatur iudiciorum et mutet causam filiorum pauperis

Pro 31:6

Pro 31:6date siceram maerentibus et vinum his qui amaro sunt animo

Pro 31:7

Pro 31:7bibant ut obliviscantur egestatis suae et doloris non recordentur amplius

Pro 31:8

Pro 31:8aperi os tuum muto et causis omnium filiorum qui pertranseunt

Pro 31:9

Pro 31:9aperi os tuum decerne quod iustum est et iudica inopem et pauperem

Pro 31:10

Pro 31:10aleph mulierem fortem quis inveniet procul et de ultimis finibus pretium eius

Pro 31:11

Pro 31:11beth confidit in ea cor viri sui et spoliis non indigebit

Pro 31:12

Pro 31:12gimel reddet ei bonum et non malum omnibus diebus vitae suae

Pro 31:13

Pro 31:13deleth quaesivit lanam et linum et operata est consilio manuum suarum

Pro 31:14

Pro 31:14he facta est quasi navis institoris de longe portat panem suum

Pro 31:15

Pro 31:15vav et de nocte surrexit deditque praedam domesticis suis et cibaria ancillis suis

Pro 31:16

Pro 31:16zai consideravit agrum et emit eum de fructu manuum suarum plantavit vineam

Pro 31:17

Pro 31:17heth accinxit fortitudine lumbos suos et roboravit brachium suum

Pro 31:18

Pro 31:18teth gustavit quia bona est negotiatio eius non extinguetur in nocte lucerna illius

Pro 31:19

Pro 31:19ioth manum suam misit ad fortia et digiti eius adprehenderunt fusum

Pro 31:20

Pro 31:20caph manum suam aperuit inopi et palmas suas extendit ad pauperem

Pro 31:21

Pro 31:21lameth non timebit domui suae a frigoribus nivis omnes enim domestici eius vestiti duplicibus

Pro 31:22

Pro 31:22mem stragulam vestem fecit sibi byssus et purpura indumentum eius

Pro 31:23

Pro 31:23nun nobilis in portis vir eius quando sederit cum senatoribus terrae

Pro 31:24

Pro 31:24samech sindonem fecit et vendidit et cingulum tradidit Chananeo

Pro 31:25

Pro 31:25ain fortitudo et decor indumentum eius et ridebit in die novissimo

Pro 31:26

Pro 31:26phe os suum aperuit sapientiae et lex clementiae in lingua eius

Pro 31:27

Pro 31:27sade considerat semitas domus suae et panem otiosa non comedet

Pro 31:28

Pro 31:28coph surrexerunt filii eius et beatissimam praedicaverunt vir eius et laudavit eam

Pro 31:29

Pro 31:29res multae filiae congregaverunt divitias tu supergressa es universas

Pro 31:30

Pro 31:30sin fallax gratia et vana est pulchritudo mulier timens Dominum ipsa laudabitur

Pro 31:31

Pro 31:31thau date ei de fructu manuum suarum et laudent eam in portis opera eius

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.