Previous Chapter

Full Page

Next Chapter

Proverbia (Proverbs) 3 :: Latin Vulgate (VUL)

¶

Pro 3:1fili mi ne obliviscaris legis meae et praecepta mea custodiat cor tuum

Pro 3:2longitudinem enim dierum et annos vitae et pacem adponent tibi

Pro 3:3misericordia et veritas non te deserant circumda eas gutturi tuo et describe in tabulis cordis tui

Pro 3:4et invenies gratiam et disciplinam bonam coram Deo et hominibus

Pro 3:5habe fiduciam in Domino ex toto corde tuo et ne innitaris prudentiae tuae

Pro 3:6in omnibus viis tuis cogita illum et ipse diriget gressus tuos

Pro 3:7ne sis sapiens apud temet ipsum time Dominum et recede a malo

Pro 3:8sanitas quippe erit umbilico tuo et inrigatio ossuum tuorum

Pro 3:9honora Dominum de tua substantia et de primitiis omnium frugum tuarum

Pro 3:10et implebuntur horrea tua saturitate et vino torcularia redundabunt

Pro 3:11disciplinam Domini fili mi ne abicias nec deficias cum ab eo corriperis

Pro 3:12quem enim diligit Dominus corripit et quasi pater in filio conplacet sibi

Pro 3:13beatus homo qui invenit sapientiam et qui affluit prudentia

Pro 3:14melior est adquisitio eius negotiatione argenti et auro primo fructus eius

Pro 3:15pretiosior est cunctis opibus et omnia quae desiderantur huic non valent conparari

Pro 3:16longitudo dierum in dextera eius in sinistra illius divitiae et gloria

Pro 3:17viae eius viae pulchrae et omnes semitae illius pacificae

Pro 3:18lignum vitae est his qui adprehenderint eam et qui tenuerit eam beatus

Pro 3:19Dominus sapientia fundavit terram stabilivit caelos prudentia

Pro 3:20sapientia illius eruperunt abyssi et nubes rore concrescunt

Pro 3:21fili mi ne effluant haec ab oculis tuis custodi legem atque consilium

Pro 3:22et erit vita animae tuae et gratia faucibus tuis

Pro 3:23tunc ambulabis fiducialiter in via tua et pes tuus non inpinget

Pro 3:24si dormieris non timebis quiesces et suavis erit somnus tuus

Pro 3:25ne paveas repentino terrore et inruentes tibi potentias impiorum

Pro 3:26Dominus enim erit in latere tuo et custodiet pedem tuum ne capiaris

Pro 3:27noli prohibere benefacere eum qui potest si vales et ipse benefac

Pro 3:28ne dicas amico tuo vade et revertere et cras dabo tibi cum statim possis dare

Pro 3:29ne moliaris amico tuo malum cum ille in te habeat fiduciam

Pro 3:30ne contendas adversus hominem frustra cum ipse tibi nihil mali fecerit

Pro 3:31ne aemuleris hominem iniustum nec imiteris vias eius

Pro 3:32quia abominatio Domini est omnis inlusor et cum simplicibus sermocinatio eius

Pro 3:33egestas a Domino in domo impii habitacula autem iustorum benedicentur

Pro 3:34inlusores ipse deludet et mansuetis dabit gratiam

Pro 3:35gloriam sapientes possidebunt stultorum exaltatio ignominia

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Proverbs Chapter 3 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras