Proverbia (Proverbs) 28 :: Latin Vulgate (VUL)

Pro 28:1fugit impius nemine persequente iustus autem quasi leo confidens absque terrore erit

Pro 28:2propter peccata terrae multi principes eius et propter hominis sapientiam et horum scientiam quae dicuntur vita ducis longior erit

Pro 28:3

Pro 28:3vir pauper calumnians pauperes similis imbri vehementi in quo paratur fames

Pro 28:4

Pro 28:4qui derelinquunt legem laudant impium qui custodiunt succenduntur contra eum

Pro 28:5

Pro 28:5viri mali non cogitant iudicium qui autem requirunt Dominum animadvertunt omnia

Pro 28:6

Pro 28:6melior est pauper ambulans in simplicitate sua quam dives pravis itineribus

Pro 28:7

Pro 28:7qui custodit legem filius sapiens est qui pascit comesatores confundit patrem suum

Pro 28:8

Pro 28:8qui coacervat divitias usuris et fenore liberali in pauperes congregat eas

Pro 28:9

Pro 28:9qui declinat aurem suam ne audiat legem oratio eius erit execrabilis

Pro 28:10

Pro 28:10qui decipit iustos in via mala in interitu suo corruet et simplices possidebunt bona

Pro 28:11

Pro 28:11sapiens sibi videtur vir dives pauper autem prudens scrutabitur eum

Pro 28:12

Pro 28:12in exultatione iustorum multa gloria regnantibus impiis ruinae hominum

Pro 28:13

Pro 28:13qui abscondit scelera sua non dirigetur qui confessus fuerit et reliquerit ea misericordiam consequetur

Pro 28:14

Pro 28:14beatus homo qui semper est pavidus qui vero mentis est durae corruet in malum

Pro 28:15

Pro 28:15leo rugiens et ursus esuriens princeps impius super populum pauperem

Pro 28:16

Pro 28:16dux indigens prudentia multos opprimet per calumniam qui autem odit avaritiam longi fient dies eius

Pro 28:17

Pro 28:17hominem qui calumniatur animae sanguinem si usque ad lacum fugerit nemo sustentet

Pro 28:18

Pro 28:18qui ambulat simpliciter salvus erit qui perversis ingreditur viis concidet semel

Pro 28:19

Pro 28:19qui operatur terram suam saturabitur panibus qui sectatur otium replebitur egestate

Pro 28:20

Pro 28:20vir fidelis multum laudabitur qui autem festinat ditari non erit innocens

Pro 28:21

Pro 28:21qui cognoscit in iudicio faciem non facit bene iste et pro buccella panis deserit veritatem

Pro 28:22

Pro 28:22vir qui festinat ditari et aliis invidet ignorat quod egestas superveniat ei

Pro 28:23

Pro 28:23qui corripit hominem gratiam postea inveniet apud eum magis quam ille qui per linguae blandimenta decipit

Pro 28:24

Pro 28:24qui subtrahit aliquid a patre suo et matre et dicit hoc non est peccatum particeps homicidae est

Pro 28:25

Pro 28:25qui se iactat et dilatat iurgia concitat qui sperat in Domino saginabitur

Pro 28:26

Pro 28:26qui confidit in corde suo stultus est qui autem graditur sapienter iste salvabitur

Pro 28:27

Pro 28:27qui dat pauperi non indigebit qui despicit deprecantem sustinebit penuriam

Pro 28:28

Pro 28:28cum surrexerint impii abscondentur homines cum illi perierint multiplicabuntur iusti

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.