Proverbia (Proverbs) 27 :: Latin Vulgate (VUL)

Pro 27:1

Pro 27:1ne glorieris in crastinum ignorans quid superventura pariat dies

Pro 27:2

Pro 27:2laudet te alienus et non os tuum extraneus et non labia tua

Pro 27:3

Pro 27:3grave est saxum et onerosa harena sed ira stulti utroque gravior

Pro 27:4

Pro 27:4ira non habet misericordiam nec erumpens furor et impetum concitati ferre quis poterit

Pro 27:5

Pro 27:5melior est manifesta correptio quam amor absconditus

Pro 27:6

Pro 27:6meliora sunt vulnera diligentis quam fraudulenta odientis oscula

Pro 27:7

Pro 27:7anima saturata calcabit favum anima esuriens et amarum pro dulce sumet

Pro 27:8

Pro 27:8sicut avis transmigrans de nido suo sic vir qui relinquit locum suum

Pro 27:9

Pro 27:9unguento et variis odoribus delectatur cor et bonis amici consiliis anima dulcoratur

Pro 27:10

Pro 27:10amicum tuum et amicum patris tui ne dimiseris et domum fratris tui ne ingrediaris in die adflictionis tuae melior est vicinus iuxta quam frater procul

Pro 27:11

Pro 27:11stude sapientiae fili mi et laetifica cor meum ut possim exprobranti respondere sermonem

Pro 27:12

Pro 27:12astutus videns malum absconditus est parvuli transeuntes sustinuere dispendia

Pro 27:13

Pro 27:13tolle vestimentum eius qui spopondit pro extraneo et pro alienis auferto pignus

Pro 27:14

Pro 27:14qui benedicit proximo suo voce grandi de nocte consurgens maledicenti similis erit

Pro 27:15

Pro 27:15tecta perstillantia in die frigoris et litigiosa mulier conparantur

Pro 27:16

Pro 27:16qui retinet eam quasi qui ventum teneat et oleum dexterae suae vocabit

Pro 27:17

Pro 27:17ferrum ferro acuitur et homo exacuit faciem amici sui

Pro 27:18

Pro 27:18qui servat ficum comedet fructus eius et qui custos est domini sui glorificabitur

Pro 27:19

Pro 27:19quomodo in aquis resplendent vultus prospicientium sic corda hominum manifesta sunt prudentibus

Pro 27:20

Pro 27:20infernus et perditio non replentur similiter et oculi hominum insatiabiles

Pro 27:21

Pro 27:21quomodo probatur in conflatorio argentum et in fornace aurum sic probatur homo ore laudantis

Pro 27:22

Pro 27:22si contuderis stultum in pila quasi tisanas feriente desuper pilo non auferetur ab eo stultitia eius

Pro 27:23

Pro 27:23diligenter agnosce vultum pecoris tui tuosque greges considera

Pro 27:24

Pro 27:24non enim habebis iugiter potestatem sed corona tribuetur in generatione generationum

Pro 27:25

Pro 27:25aperta sunt prata et apparuerunt herbae virentes et collecta sunt faena de montibus

Pro 27:26

Pro 27:26agni ad vestimentum tuum et hedi agri pretium

Pro 27:27

Pro 27:27sufficiat tibi lac caprarum in cibos tuos in necessaria domus tuae et ad victum ancillis tuis

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.