Previous Chapter Full Page Full Page Next Chapter

Proverbia (Proverbs) 26 :: Latin Vulgate (VUL)

Pro 26:1

ΒΆ
Pro 26:1quomodo nix aestate et pluvia in messe sic indecens est stulto gloria

Pro 26:2

Pro 26:2sicut avis ad alia transvolans et passer quolibet vadens sic maledictum frustra prolatum in quempiam superveniet

Pro 26:3

Pro 26:3flagellum equo et camus asino et virga dorso inprudentium

Pro 26:4

Pro 26:4ne respondeas stulto iuxta stultitiam suam ne efficiaris ei similis

Pro 26:5

Pro 26:5responde stulto iuxta stultitiam suam ne sibi sapiens esse videatur

Pro 26:6

Pro 26:6claudus pedibus et iniquitatem bibens qui mittit verba per nuntium stultum

Pro 26:7

Pro 26:7quomodo pulchras frustra habet claudus tibias sic indecens est in ore stultorum parabola

Pro 26:8

Pro 26:8sicut qui mittit lapidem in acervum Mercurii ita qui tribuit insipienti honorem

Pro 26:9

Pro 26:9quomodo si spina nascatur in manu temulenti sic parabola in ore stultorum

Pro 26:10

Pro 26:10iudicium determinat causas et qui inponit stulto silentium iras mitigat

Pro 26:11

Pro 26:11sicut canis qui revertitur ad vomitum suum sic inprudens qui iterat stultitiam suam

Pro 26:12

Pro 26:12vidisti hominem sapientem sibi videri magis illo spem habebit stultus

Pro 26:13

Pro 26:13dicit piger leaena in via leo in itineribus

Pro 26:14

Pro 26:14sicut ostium vertitur in cardine suo ita piger in lectulo suo

Pro 26:15

Pro 26:15abscondit piger manus sub ascellas suas et laborat si ad os suum eas converterit

Pro 26:16

Pro 26:16sapientior sibi piger videtur septem viris loquentibus sententias

Pro 26:17

Pro 26:17sicut qui adprehendit auribus canem sic qui transit et inpatiens commiscetur rixae alterius

Pro 26:18

Pro 26:18sicut noxius est qui mittit lanceas et sagittas et mortem

Pro 26:19

Pro 26:19sic vir qui fraudulenter nocet amico suo et cum fuerit deprehensus dicit ludens feci

Pro 26:20

Pro 26:20cum defecerint ligna extinguetur ignis et susurrone subtracto iurgia conquiescunt

Pro 26:21

Pro 26:21sicut carbones ad prunam et ligna ad ignem sic homo iracundus suscitat rixas

Pro 26:22

Pro 26:22verba susurronis quasi simplicia et ipsa perveniunt ad intima ventris

Pro 26:23

Pro 26:23quomodo si argento sordido ornare velis vas fictile sic labia tumentia cum pessimo corde sociata

Pro 26:24

Pro 26:24labiis suis intellegitur inimicus cum in corde tractaverit dolos

Pro 26:25

Pro 26:25quando submiserit vocem suam ne credideris ei quoniam septem nequitiae sunt in corde illius

Pro 26:26

Pro 26:26qui operit odium fraudulenter revelabitur malitia eius in concilio

Pro 26:27

Pro 26:27qui fodit foveam incidet in eam et qui volvit lapidem revertetur ad eum

Pro 26:28

Pro 26:28lingua fallax non amat veritatem et os lubricum operatur ruinas
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.