Proverbia (Proverbs) 24 :: Latin Vulgate (VUL)

Pro 24:1

Pro 24:1ne aemuleris viros malos nec desideres esse cum eis

Pro 24:2

Pro 24:2quia rapinas meditatur mens eorum et fraudes labia eorum loquuntur

Pro 24:3

Pro 24:3sapientia aedificabitur domus et prudentia roborabitur

Pro 24:4

Pro 24:4in doctrina replebuntur cellaria universa substantia pretiosa et pulcherrima

Pro 24:5

Pro 24:5vir sapiens et fortis est et vir doctus robustus et validus

Pro 24:6

Pro 24:6quia cum dispositione initur bellum et erit salus ubi multa consilia sunt

Pro 24:7

Pro 24:7excelsa stulto sapientia in porta non aperiet os suum

Pro 24:8

Pro 24:8qui cogitat malefacere stultus vocabitur

Pro 24:9

Pro 24:9cogitatio stulti peccatum est et abominatio hominum detractor

Pro 24:10

Pro 24:10si desperaveris lassus in die angustiae inminuetur fortitudo tua

Pro 24:11

Pro 24:11erue eos qui ducuntur ad mortem et qui trahuntur ad interitum liberare ne cesses

Pro 24:12

Pro 24:12si dixeris vires non suppetunt qui inspector est cordis ipse intellegit et servatorem animae tuae nihil fallit reddetque homini iuxta opera sua

Pro 24:13

Pro 24:13comede fili mi mel quia bonum est et favum dulcissimum gutturi tuo

Pro 24:14

Pro 24:14sic et doctrina sapientiae animae tuae quam cum inveneris habebis in novissimis et spes tua non peribit

Pro 24:15

Pro 24:15ne insidieris et quaeras impietatem in domo iusti neque vastes requiem eius

Pro 24:16

Pro 24:16septies enim cadet iustus et resurget impii autem corruent in malum

Pro 24:17

Pro 24:17cum ceciderit inimicus tuus ne gaudeas et in ruina eius ne exultet cor tuum

Pro 24:18

Pro 24:18ne forte videat Dominus et displiceat ei et auferat ab eo iram suam

Pro 24:19

Pro 24:19ne contendas cum pessimis nec aemuleris impios

Pro 24:20

Pro 24:20quoniam non habent futurorum spem mali et lucerna impiorum extinguetur

Pro 24:21

Pro 24:21time Dominum fili mi et regem et cum detractoribus non commiscearis

Pro 24:22

Pro 24:22quoniam repente consurget perditio eorum et ruinam utriusque quis novit

Pro 24:23

Pro 24:23haec quoque sapientibus cognoscere personam in iudicio non est bonum

Pro 24:24

Pro 24:24qui dicit impio iustus es maledicent ei populi et detestabuntur eum tribus

Pro 24:25

Pro 24:25qui arguunt laudabuntur et super ipsos veniet benedictio

Pro 24:26

Pro 24:26labia deosculabitur qui recta verba respondet

Pro 24:27

Pro 24:27praepara foris opus tuum et diligenter exerce agrum tuum ut postea aedifices domum tuam

Pro 24:28

Pro 24:28ne sis testis frustra contra proximum tuum nec lactes quemquam labiis tuis

Pro 24:29

Pro 24:29ne dicas quomodo fecit mihi sic faciam ei reddam unicuique secundum opus suum

Pro 24:30

Pro 24:30per agrum hominis pigri transivi et per vineam viri stulti

Pro 24:31

Pro 24:31et ecce totum repleverant urticae operuerant superficiem eius spinae et maceria lapidum destructa erat

Pro 24:32

Pro 24:32quod cum vidissem posui in corde meo et exemplo didici disciplinam

Pro 24:33

Pro 24:33parum inquam dormies modicum dormitabis pauxillum manus conseres ut quiescas

Pro 24:34

Pro 24:34et veniet quasi cursor egestas tua et mendicitas quasi vir armatus

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.