Previous Chapter Full Page Full Page Next Chapter

Proverbia (Proverbs) 23 :: Latin Vulgate (VUL)

Pro 23:1

Pro 23:1quando sederis ut comedas cum principe diligenter adtende quae posita sunt ante faciem tuam

Pro 23:2

Pro 23:2et statue cultrum in gutture tuo si tamen habes in potestate animam tuam

Pro 23:3

Pro 23:3ne desideres de cibis eius in quo est panis mendacii

Pro 23:4

Pro 23:4noli laborare ut diteris sed prudentiae tuae pone modum

Pro 23:5

Pro 23:5ne erigas oculos tuos ad opes quas habere non potes quia facient sibi pinnas quasi aquilae et avolabunt in caelum

Pro 23:6

Pro 23:6ne comedas cum homine invido et ne desideres cibos eius

Pro 23:7

Pro 23:7quoniam in similitudinem arioli et coniectoris aestimat quod ignorat comede et bibe dicet tibi et mens eius non est tecum

Pro 23:8

Pro 23:8cibos quos comederas evomes et perdes pulchros sermones tuos

Pro 23:9

Pro 23:9in auribus insipientium ne loquaris quia despicient doctrinam eloquii tui

Pro 23:10

Pro 23:10ne adtingas terminos parvulorum et agrum pupillorum ne introeas

Pro 23:11

Pro 23:11propinquus enim eorum Fortis est et ipse iudicabit contra te causam illorum

Pro 23:12

Pro 23:12ingrediatur ad doctrinam cor tuum et aures tuae ad verba scientiae

Pro 23:13

Pro 23:13noli subtrahere a puero disciplinam si enim percusseris eum virga non morietur

Pro 23:14

Pro 23:14tu virga percuties eum et animam eius de inferno liberabis

Pro 23:15

Pro 23:15fili mi si sapiens fuerit animus tuus gaudebit tecum cor meum

Pro 23:16

Pro 23:16et exultabunt renes mei cum locuta fuerint rectum labia tua

Pro 23:17

Pro 23:17non aemuletur cor tuum peccatores sed in timore Domini esto tota die

Pro 23:18

Pro 23:18quia habebis spem in novissimo et praestolatio tua non auferetur

Pro 23:19

Pro 23:19audi fili mi et esto sapiens et dirige in via animum tuum

Pro 23:20

Pro 23:20noli esse in conviviis potatorum nec in comesationibus eorum qui carnes ad vescendum conferunt

Pro 23:21

Pro 23:21quia vacantes potibus et dantes symbola consumentur et vestietur pannis dormitatio

Pro 23:22

Pro 23:22audi patrem tuum qui genuit te et ne contemnas cum senuerit mater tua

Pro 23:23

Pro 23:23veritatem eme et noli vendere sapientiam et doctrinam et intellegentiam

Pro 23:24

Pro 23:24exultat gaudio pater iusti qui sapientem genuit laetabitur in eo

Pro 23:25

Pro 23:25gaudeat pater tuus et mater tua et exultet quae genuit te

Pro 23:26

Pro 23:26praebe fili mi cor tuum mihi et oculi tui vias meas custodiant

Pro 23:27

Pro 23:27fovea enim profunda est meretrix et puteus angustus aliena

Pro 23:28

Pro 23:28insidiatur in via quasi latro et quos incautos viderit interficit

Pro 23:29

Pro 23:29cui vae cuius patri vae cui rixae cui foveae cui sine causa vulnera cui suffusio oculorum

Pro 23:30

Pro 23:30nonne his qui morantur in vino et student calicibus epotandis

Pro 23:31

Pro 23:31ne intuearis vinum quando flavescit cum splenduerit in vitro color eius ingreditur blande

Pro 23:32

Pro 23:32sed in novissimo mordebit ut coluber et sicut regulus venena diffundet

Pro 23:33

Pro 23:33oculi tui videbunt extraneas et cor tuum loquetur perversa

Pro 23:34

Pro 23:34et eris sicut dormiens in medio mari et quasi sopitus gubernator amisso clavo

Pro 23:35

Pro 23:35et dices verberaverunt me sed non dolui traxerunt me et ego non sensi quando evigilabo et rursum vina repperiam
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Proverbs Chapter 23 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras