Proverbia (Proverbs) 22 :: Latin Vulgate (VUL)

Pro 22:1

Pro 22:1melius est nomen bonum quam divitiae multae super argentum et aurum gratia bona

Pro 22:2

Pro 22:2dives et pauper obviaverunt sibi utriusque operator est Dominus

Pro 22:3

Pro 22:3callidus vidit malum et abscondit se innocens pertransiit et adflictus est damno

Pro 22:4

Pro 22:4finis modestiae timor Domini divitiae et gloria et vita

Pro 22:5

Pro 22:5arma et gladii in via perversi custos animae suae longe recedit ab eis

Pro 22:6

Pro 22:6proverbium est adulescens iuxta viam suam etiam cum senuerit non recedet ab ea

Pro 22:7

Pro 22:7dives pauperibus imperat et qui accipit mutuum servus est fenerantis

Pro 22:8

Pro 22:8qui seminat iniquitatem metet mala et virga irae suae consummabitur

Pro 22:9

Pro 22:9qui pronus est ad misericordiam benedicetur de panibus enim suis dedit pauperi

Pro 22:10

Pro 22:10eice derisorem et exibit cum eo iurgium cessabuntque causae et contumeliae

Pro 22:11

Pro 22:11qui diligit cordis munditiam propter gratiam labiorum suorum habebit amicum regem

Pro 22:12

Pro 22:12oculi Domini custodiunt scientiam et subplantantur verba iniqui

Pro 22:13

Pro 22:13dicit piger leo foris in medio platearum occidendus sum

Pro 22:14

Pro 22:14fovea profunda os alienae cui iratus est Dominus incidet in eam

Pro 22:15

Pro 22:15stultitia conligata est in corde pueri et virga disciplinae fugabit eam

Pro 22:16

Pro 22:16qui calumniatur pauperem ut augeat divitias suas dabit ipse ditiori et egebit

Pro 22:17

Pro 22:17inclina aurem tuam et audi verba sapientium adpone autem cor ad doctrinam meam

Pro 22:18

Pro 22:18quae pulchra erit tibi cum servaveris eam in ventre tuo et redundabit in labiis tuis

Pro 22:19

Pro 22:19ut sit in Domino fiducia tua unde et ostendi eam tibi hodie

Pro 22:20

Pro 22:20ecce descripsi eam tibi tripliciter in cogitationibus et scientia

Pro 22:21

Pro 22:21ut ostenderem tibi firmitatem et eloquia veritatis respondere ex his illi qui misit te

Pro 22:22

Pro 22:22non facias violentiam pauperi quia pauper est neque conteras egenum in porta

Pro 22:23

Pro 22:23quia Dominus iudicabit causam eius et configet eos qui confixerint animam eius

Pro 22:24

Pro 22:24noli esse amicus homini iracundo neque ambules cum viro furioso

Pro 22:25

Pro 22:25ne forte discas semitas eius et sumas scandalum animae tuae

Pro 22:26

Pro 22:26noli esse cum his qui defigunt manus suas et qui vades se offerunt pro debitis

Pro 22:27

Pro 22:27si enim non habes unde restituas quid causae est ut tollat operimentum de cubili tuo

Pro 22:28

Pro 22:28ne transgrediaris terminos antiquos quos posuerunt patres tui

Pro 22:29

Pro 22:29vidisti virum velocem in opere suo coram regibus stabit nec erit ante ignobiles

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.