Proverbia (Proverbs) 21 :: Latin Vulgate (VUL)

Pro 21:1

Pro 21:1sicut divisiones aquarum ita cor regis in manu Domini quocumque voluerit inclinabit illud

Pro 21:2

Pro 21:2omnis via viri recta sibi videtur adpendit autem corda Dominus

Pro 21:3

Pro 21:3facere misericordiam et iudicium magis placent Domino quam victimae

Pro 21:4

Pro 21:4exaltatio oculorum et dilatatio cordis lucerna impiorum peccatum

Pro 21:5

Pro 21:5cogitationes robusti semper in abundantia omnis autem piger semper in egestate

Pro 21:6

Pro 21:6qui congregat thesauros lingua mendacii vanus est et inpingetur ad laqueos mortis

Pro 21:7

Pro 21:7rapinae impiorum detrahent eos quia noluerunt facere iudicium

Pro 21:8

Pro 21:8perversa via viri aliena est qui autem mundus est rectum opus eius

Pro 21:9

Pro 21:9melius est sedere in angulo domatis quam cum muliere litigiosa et in domo communi

Pro 21:10

Pro 21:10anima impii desiderat malum non miserebitur proximo suo

Pro 21:11

Pro 21:11multato pestilente sapientior erit parvulus et si sectetur sapientem sumet scientiam

Pro 21:12

Pro 21:12excogitat iustus de domo impii ut detrahat impios in malum

Pro 21:13

Pro 21:13qui obturat aurem suam ad clamorem pauperis et ipse clamabit et non exaudietur

Pro 21:14

Pro 21:14munus absconditum extinguet iras et donum in sinu indignationem maximam

Pro 21:15

Pro 21:15gaudium iusto est facere iudicium et pavor operantibus iniquitatem

Pro 21:16

Pro 21:16vir qui erraverit a via doctrinae in coetu gigantum commorabitur

Pro 21:17

Pro 21:17qui diligit epulas in egestate erit qui amat vinum et pinguia non ditabitur

Pro 21:18

Pro 21:18pro iusto datur impius et pro rectis iniquus

Pro 21:19

Pro 21:19melius est habitare in terra deserta quam cum muliere rixosa et iracunda

Pro 21:20

Pro 21:20thesaurus desiderabilis et oleum in habitaculo iusti et inprudens homo dissipabit illud

Pro 21:21

Pro 21:21qui sequitur iustitiam et misericordiam inveniet vitam et iustitiam et gloriam

Pro 21:22

Pro 21:22civitatem fortium ascendit sapiens et destruxit robur fiduciae eius

Pro 21:23

Pro 21:23qui custodit os suum et linguam suam custodit ab angustiis animam suam

Pro 21:24

Pro 21:24superbus et arrogans vocatur indoctus qui in ira operatur superbiam

Pro 21:25

Pro 21:25desideria occidunt pigrum noluerunt enim quicquam manus eius operari

Pro 21:26

Pro 21:26tota die concupiscit et desiderat qui autem iustus est tribuet et non cessabit

Pro 21:27

Pro 21:27hostiae impiorum abominabiles quia offeruntur ex scelere

Pro 21:28

Pro 21:28testis mendax peribit vir oboediens loquitur victoriam

Pro 21:29

Pro 21:29vir impius procaciter obfirmat vultum suum qui autem rectus est corrigit viam suam

Pro 21:30

Pro 21:30non est sapientia non est prudentia non est consilium contra Dominum

Pro 21:31

Pro 21:31equus paratur ad diem belli Dominus autem salutem tribuet

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.