Proverbia (Proverbs) 2 :: Latin Vulgate (VUL)

Pro 2:1

Pro 2:1fili mi si susceperis sermones meos et mandata mea absconderis penes te

Pro 2:2

Pro 2:2ut audiat sapientiam auris tua inclina cor tuum ad noscendam prudentiam

Pro 2:3

Pro 2:3si enim sapientiam invocaveris et inclinaveris cor tuum prudentiae

Pro 2:4

Pro 2:4si quaesieris eam quasi pecuniam et sicut thesauros effoderis illam

Pro 2:5

Pro 2:5tunc intelleges timorem Domini et scientiam Dei invenies

Pro 2:6

Pro 2:6quia Dominus dat sapientiam et ex ore eius scientia et prudentia

Pro 2:7

Pro 2:7custodiet rectorum salutem et proteget gradientes simpliciter

Pro 2:8

Pro 2:8servans semitas iustitiae et vias sanctorum custodiens

Pro 2:9

Pro 2:9tunc intelleges iustitiam et iudicium et aequitatem et omnem semitam bonam

Pro 2:10

Pro 2:10si intraverit sapientia cor tuum et scientia animae tuae placuerit

Pro 2:11

Pro 2:11consilium custodiet te prudentia servabit te

Pro 2:12

Pro 2:12ut eruaris de via mala ab homine qui perversa loquitur

Pro 2:13

Pro 2:13qui relinquunt iter rectum et ambulant per vias tenebrosas

Pro 2:14

Pro 2:14qui laetantur cum malefecerint et exultant in rebus pessimis

Pro 2:15

Pro 2:15quorum viae perversae et infames gressus eorum

Pro 2:16

Pro 2:16ut eruaris a muliere aliena et ab extranea quae mollit sermones suos

Pro 2:17

Pro 2:17et relinquit ducem pubertatis suae

Pro 2:18

Pro 2:18et pacti Dei sui oblita est inclinata est enim ad mortem domus eius et ad impios semitae ipsius

Pro 2:19

Pro 2:19omnes qui ingrediuntur ad eam non revertentur nec adprehendent semitas vitae

Pro 2:20

Pro 2:20ut ambules in via bona et calles iustorum custodias

Pro 2:21

Pro 2:21qui enim recti sunt habitabunt in terra et simplices permanebunt in ea

Pro 2:22

Pro 2:22impii vero de terra perdentur et qui inique agunt auferentur ex ea

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.