Proverbia (Proverbs) 18 :: Latin Vulgate (VUL)

Pro 18:1

Pro 18:1occasiones quaerit qui vult recedere ab amico omni tempore erit exprobrabilis

Pro 18:2

Pro 18:2non recipit stultus verba prudentiae nisi ea dixeris quae versantur in corde eius

Pro 18:3

Pro 18:3impius cum in profundum venerit peccatorum contemnit sed sequitur eum ignominia et obprobrium

Pro 18:4

Pro 18:4aqua profunda verba ex ore viri et torrens redundans fons sapientiae

Pro 18:5

Pro 18:5accipere personam impii non est bonum ut declines a veritate iudicii

Pro 18:6

Pro 18:6labia stulti inmiscunt se rixis et os eius iurgia provocat

Pro 18:7

Pro 18:7os stulti contritio eius et labia illius ruina animae eius

Pro 18:8

Pro 18:8verba bilinguis quasi simplicia et ipsa perveniunt usque ad interiora ventris

Pro 18:9

Pro 18:9qui mollis et dissolutus est in opere suo frater est sua opera dissipantis

Pro 18:10

Pro 18:10turris fortissima nomen Domini ad ipsum currit iustus et exaltabitur

Pro 18:11

Pro 18:11substantia divitis urbs roboris eius et quasi murus validus circumdans eum

Pro 18:12

Pro 18:12antequam conteratur exaltatur cor hominis et antequam glorificetur humiliatur

Pro 18:13

Pro 18:13qui prius respondit quam audiat stultum se esse demonstrat et confusione dignum

Pro 18:14

Pro 18:14spiritus viri sustentat inbecillitatem suam spiritum vero ad irascendum facilem quis poterit sustinere

Pro 18:15

Pro 18:15cor prudens possidebit scientiam et auris sapientium quaerit doctrinam

Pro 18:16

Pro 18:16donum hominis dilatat viam eius et ante principes spatium ei facit

Pro 18:17

Pro 18:17iustus prior est accusator sui venit amicus eius et investigavit eum

Pro 18:18

Pro 18:18contradictiones conprimit sors et inter potentes quoque diiudicat

Pro 18:19

Pro 18:19frater qui adiuvatur a fratre quasi civitas firma et iudicia quasi vectes urbium

Pro 18:20

Pro 18:20de fructu oris viri replebitur venter eius et genimina labiorum illius saturabunt eum

Pro 18:21

Pro 18:21mors et vita in manu linguae qui diligunt eam comedent fructus eius

Pro 18:22

Pro 18:22qui invenit mulierem invenit bonum et hauriet iucunditatem a Domino

Pro 18:23

Pro 18:23cum obsecrationibus loquetur pauper et dives effabitur rigide

Pro 18:24

Pro 18:24vir amicalis ad societatem magis amicus erit quam frater

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.