Proverbia (Proverbs) 17 :: Latin Vulgate (VUL)

Pro 17:1

Pro 17:1melior est buccella sicca cum gaudio quam domus plena victimis cum iurgio

Pro 17:2

Pro 17:2servus sapiens dominabitur filiis stultis et inter fratres hereditatem dividet

Pro 17:3

Pro 17:3sicut igne probatur argentum et aurum camino ita corda probat Dominus

Pro 17:4

Pro 17:4malus oboedit linguae iniquae et fallax obtemperat labiis mendacibus

Pro 17:5

Pro 17:5qui despicit pauperem exprobrat factori eius et qui in ruina laetatur alterius non erit inpunitus

Pro 17:6

Pro 17:6corona senum filii filiorum et gloria filiorum patres sui

Pro 17:7

Pro 17:7non decent stultum verba conposita nec principem labium mentiens

Pro 17:8

Pro 17:8gemma gratissima expectatio praestolantis quocumque se verterit prudenter intellegit

Pro 17:9

Pro 17:9qui celat delictum quaerit amicitias qui altero sermone repetit separat foederatos

Pro 17:10

Pro 17:10plus proficit correptio apud prudentem quam centum plagae apud stultum

Pro 17:11

Pro 17:11semper iurgia quaerit malus angelus autem crudelis mittetur contra eum

Pro 17:12

Pro 17:12expedit magis ursae occurrere raptis fetibus quam fatuo confidenti sibi in stultitia sua

Pro 17:13

Pro 17:13qui reddit mala pro bonis non recedet malum de domo eius

Pro 17:14

Pro 17:14qui dimittit aquam caput est iurgiorum et antequam patiatur contumeliam iudicium deserit

Pro 17:15

Pro 17:15et qui iustificat impium et qui condemnat iustum abominabilis est uterque apud Dominum

Pro 17:16

Pro 17:16quid prodest habere divitias stultum cum sapientiam emere non possit

Pro 17:17

Pro 17:17omni tempore diligit qui amicus est et frater in angustiis conprobatur

Pro 17:18

Pro 17:18homo stultus plaudet manibus cum spoponderit pro amico suo

Pro 17:19

Pro 17:19qui meditatur discordiam diligit rixas et qui exaltat ostium quaerit ruinam

Pro 17:20

Pro 17:20qui perversi cordis est non inveniet bonum et qui vertit linguam incidet in malum

Pro 17:21

Pro 17:21natus est stultus in ignominiam suam sed nec pater in fatuo laetabitur

Pro 17:22

Pro 17:22animus gaudens aetatem floridam facit spiritus tristis exsiccat ossa

Pro 17:23

Pro 17:23munera de sinu impius accipit ut pervertat semitas iudicii

Pro 17:24

Pro 17:24in facie prudentis lucet sapientia oculi stultorum in finibus terrae

Pro 17:25

Pro 17:25ira patris filius stultus et dolor matris quae genuit eum

Pro 17:26

Pro 17:26non est bonum damnum inferre iusto nec percutere principem qui recta iudicat

Pro 17:27

Pro 17:27qui moderatur sermones suos doctus et prudens est et pretiosi spiritus vir eruditus

Pro 17:28

Pro 17:28stultus quoque si tacuerit sapiens putabitur et si conpresserit labia sua intellegens

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.