Proverbia (Proverbs) 14 :: Latin Vulgate (VUL)

Pro 14:1

Pro 14:1sapiens mulier aedificavit domum suam insipiens instructam quoque destruet manibus

Pro 14:2

Pro 14:2ambulans recto itinere et timens Deum despicitur ab eo qui infami graditur via

Pro 14:3

Pro 14:3in ore stulti virga superbiae labia sapientium custodiunt eos

Pro 14:4

Pro 14:4ubi non sunt boves praesepe vacuum est ubi autem plurimae segetes ibi manifesta fortitudo bovis

Pro 14:5

Pro 14:5testis fidelis non mentietur profert mendacium testis dolosus

Pro 14:6

Pro 14:6quaerit derisor sapientiam et non inveniet doctrina prudentium facilis

Pro 14:7

Pro 14:7vade contra virum stultum et nescito labia prudentiae

Pro 14:8

Pro 14:8sapientia callidi est intellegere viam suam et inprudentia stultorum errans

Pro 14:9

Pro 14:9stultis inludet peccatum inter iustos morabitur gratia

Pro 14:10

Pro 14:10cor quod novit amaritudinem animae suae in gaudio eius non miscebitur extraneus

Pro 14:11

Pro 14:11domus impiorum delebitur tabernacula iustorum germinabunt

Pro 14:12

Pro 14:12est via quae videtur homini iusta novissima autem eius deducunt ad mortem

Pro 14:13

Pro 14:13risus dolore miscebitur et extrema gaudii luctus occupat

Pro 14:14

Pro 14:14viis suis replebitur stultus et super eum erit vir bonus

Pro 14:15

Pro 14:15innocens credit omni verbo astutus considerat gressus suos

Pro 14:16

Pro 14:16sapiens timet et declinat malum stultus transilit et confidit

Pro 14:17

Pro 14:17inpatiens operabitur stultitiam et vir versutus odiosus est

Pro 14:18

Pro 14:18possidebunt parvuli stultitiam et astuti expectabunt scientiam

Pro 14:19

Pro 14:19iacebunt mali ante bonos et impii ante portas iustorum

Pro 14:20

Pro 14:20etiam proximo suo pauper odiosus erit amici vero divitum multi

Pro 14:21

Pro 14:21qui despicit proximum suum peccat qui autem miseretur pauperi beatus erit

Pro 14:22

Pro 14:22errant qui operantur malum misericordia et veritas praeparant bona

Pro 14:23

Pro 14:23in omni opere erit abundantia ubi autem verba sunt plurima frequenter egestas

Pro 14:24

Pro 14:24corona sapientium divitiae eorum fatuitas stultorum inprudentia

Pro 14:25

Pro 14:25liberat animas testis fidelis et profert mendacia versipellis

Pro 14:26

Pro 14:26in timore Domini fiducia fortitudinis et filiis eius erit spes

Pro 14:27

Pro 14:27timor Domini fons vitae ut declinet a ruina mortis

Pro 14:28

Pro 14:28in multitudine populi dignitas regis et in paucitate plebis ignominia principis

Pro 14:29

Pro 14:29qui patiens est multa gubernatur prudentia qui autem inpatiens exaltat stultitiam suam

Pro 14:30

Pro 14:30vita carnium sanitas cordis putredo ossuum invidia

Pro 14:31

Pro 14:31qui calumniatur egentem exprobrat factori eius honorat autem eum qui miseretur pauperis

Pro 14:32

Pro 14:32in malitia sua expelletur impius sperat autem iustus in morte sua

Pro 14:33

Pro 14:33in corde prudentis requiescit sapientia et indoctos quoque erudiet

Pro 14:34

Pro 14:34iustitia elevat gentem miseros facit populos peccatum

Pro 14:35

Pro 14:35acceptus est regi minister intellegens iracundiam eius inutilis sustinebit

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.