Proverbia (Proverbs) 13 :: Latin Vulgate (VUL)

Pro 13:1

Pro 13:1filius sapiens doctrina patris qui autem inlusor est non audit cum arguitur

Pro 13:2

Pro 13:2de fructu oris homo saturabitur bonis anima autem praevaricatorum iniqua

Pro 13:3

Pro 13:3qui custodit os suum custodit animam suam qui autem inconsideratus est ad loquendum sentiet mala

Pro 13:4

Pro 13:4vult et non vult piger anima autem operantium inpinguabitur

Pro 13:5

Pro 13:5verbum mendax iustus detestabitur impius confundit et confundetur

Pro 13:6

Pro 13:6iustitia custodit innocentis viam impietas vero peccato subplantat

Pro 13:7

Pro 13:7est quasi dives cum nihil habeat et est quasi pauper cum in multis divitiis sit

Pro 13:8

Pro 13:8redemptio animae viri divitiae suae qui autem pauper est increpationem non sustinet

Pro 13:9

Pro 13:9lux iustorum laetificat lucerna autem impiorum extinguetur

Pro 13:10

Pro 13:10inter superbos semper iurgia sunt qui autem agunt cuncta consilio reguntur sapientia

Pro 13:11

Pro 13:11substantia festinata minuetur quae autem paulatim colligitur manu multiplicabitur

Pro 13:12

Pro 13:12spes quae differtur adfligit animam lignum vitae desiderium veniens

Pro 13:13

Pro 13:13qui detrahit alicui rei ipse se in futurum obligat qui autem timet praeceptum in pace versabitur

Pro 13:14

Pro 13:14lex sapientis fons vitae ut declinet a ruina mortis

Pro 13:15

Pro 13:15doctrina bona dabit gratiam in itinere contemptorum vorago

Pro 13:16

Pro 13:16astutus omnia agit cum consilio qui autem fatuus est aperit stultitiam

Pro 13:17

Pro 13:17nuntius impii cadet in malum legatus fidelis sanitas

Pro 13:18

Pro 13:18egestas et ignominia ei qui deserit disciplinam qui autem adquiescit arguenti glorificabitur

Pro 13:19

Pro 13:19desiderium si conpleatur delectat animam detestantur stulti eos qui fugiunt mala

Pro 13:20

Pro 13:20qui cum sapientibus graditur sapiens erit amicus stultorum efficietur similis

Pro 13:21

Pro 13:21peccatores persequetur malum et iustis retribuentur bona

Pro 13:22

Pro 13:22bonus relinquet heredes filios et nepotes et custoditur iusto substantia peccatoris

Pro 13:23

Pro 13:23multi cibi in novalibus patrum et alii congregantur absque iudicio

Pro 13:24

Pro 13:24qui parcit virgae suae odit filium suum qui autem diligit illum instanter erudit

Pro 13:25

Pro 13:25iustus comedit et replet animam suam venter autem impiorum insaturabilis

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.