Proverbia (Proverbs) 12 :: Latin Vulgate (VUL)

Pro 12:1

Pro 12:1qui diligit disciplinam diligit scientiam qui autem odit increpationes insipiens est

Pro 12:2

Pro 12:2qui bonus est hauriet a Domino gratiam qui autem confidit cogitationibus suis impie agit

Pro 12:3

Pro 12:3non roborabitur homo ex impietate et radix iustorum non commovebitur

Pro 12:4

Pro 12:4mulier diligens corona viro suo et putredo in ossibus eius quae confusione res dignas gerit

Pro 12:5

Pro 12:5cogitationes iustorum iudicia et consilia impiorum fraudulentia

Pro 12:6

Pro 12:6verba impiorum insidiantur sanguini os iustorum liberabit eos

Pro 12:7

Pro 12:7verte impios et non erunt domus autem iustorum permanebit

Pro 12:8

Pro 12:8doctrina sua noscetur vir qui autem vanus et excors est patebit contemptui

Pro 12:9

Pro 12:9melior est pauper et sufficiens sibi quam gloriosus et indigens pane

Pro 12:10

Pro 12:10novit iustus animas iumentorum suorum viscera autem impiorum crudelia

Pro 12:11

Pro 12:11qui operatur terram suam saturabitur panibus qui autem sectatur otium stultissimus est

Pro 12:12

Pro 12:12desiderium impii munimentum est pessimorum radix autem iustorum proficiet

Pro 12:13

Pro 12:13propter peccata labiorum ruina proximat malo effugiet autem iustus de angustia

Pro 12:14

Pro 12:14de fructu oris sui unusquisque replebitur bonis et iuxta opera manuum suarum retribuetur ei

Pro 12:15

Pro 12:15via stulti recta in oculis eius qui autem sapiens est audit consilia

Pro 12:16

Pro 12:16fatuus statim indicat iram suam qui autem dissimulat iniuriam callidus est

Pro 12:17

Pro 12:17qui quod novit loquitur index iustitiae est qui autem mentitur testis est fraudulentus

Pro 12:18

Pro 12:18est qui promittit et quasi gladio pungitur conscientiae lingua autem sapientium sanitas est

Pro 12:19

Pro 12:19labium veritatis firmum erit in perpetuum qui autem testis est repentinus concinnat linguam mendacii

Pro 12:20

Pro 12:20dolus in corde cogitantium mala qui autem ineunt pacis consilia sequitur eos gaudium

Pro 12:21

Pro 12:21non contristabit iustum quicquid ei acciderit impii autem replebuntur malo

Pro 12:22

Pro 12:22abominatio Domino labia mendacia qui autem fideliter agunt placent ei

Pro 12:23

Pro 12:23homo versutus celat scientiam et cor insipientium provocabit stultitiam

Pro 12:24

Pro 12:24manus fortium dominabitur quae autem remissa est tributis serviet

Pro 12:25

Pro 12:25maeror in corde viri humiliabit illud et sermone bono laetificabitur

Pro 12:26

Pro 12:26qui neglegit damnum propter amicum iustus est iter autem impiorum decipiet eos

Pro 12:27

Pro 12:27non inveniet fraudulentus lucrum et substantia hominis erit auri pretium

Pro 12:28

Pro 12:28in semita iustitiae vita iter autem devium ducit ad mortem

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.