Proverbia (Proverbs) 11 :: Latin Vulgate (VUL)

Pro 11:1

Pro 11:1statera dolosa abominatio apud Dominum et pondus aequum voluntas eius

Pro 11:2

Pro 11:2ubi fuerit superbia ibi erit et contumelia ubi autem humilitas ibi et sapientia

Pro 11:3

Pro 11:3simplicitas iustorum diriget eos et subplantatio perversorum vastabit illos

Pro 11:4

Pro 11:4non proderunt divitiae in die ultionis iustitia autem liberabit a morte

Pro 11:5

Pro 11:5iustitia simplicis diriget viam eius et in impietate sua corruet impius

Pro 11:6

Pro 11:6iustitia rectorum liberabit eos et in insidiis suis capientur iniqui

Pro 11:7

Pro 11:7mortuo homine impio nulla erit ultra spes et expectatio sollicitorum peribit

Pro 11:8

Pro 11:8iustus de angustia liberatus est et tradetur impius pro eo

Pro 11:9

Pro 11:9simulator ore decipit amicum suum iusti autem liberabuntur scientia

Pro 11:10

Pro 11:10in bonis iustorum exultabit civitas et in perditione impiorum erit laudatio

Pro 11:11

Pro 11:11benedictione iustorum exaltabitur civitas et ore impiorum subvertetur

Pro 11:12

Pro 11:12qui despicit amicum suum indigens corde est vir autem prudens tacebit

Pro 11:13

Pro 11:13qui ambulat fraudulenter revelat arcana qui autem fidelis est animi celat commissum

Pro 11:14

Pro 11:14ubi non est gubernator populus corruet salus autem ubi multa consilia

Pro 11:15

Pro 11:15adfligetur malo qui fidem facit pro extraneo qui autem cavet laqueos securus erit

Pro 11:16

Pro 11:16mulier gratiosa inveniet gloriam et robusti habebunt divitias

Pro 11:17

Pro 11:17benefacit animae suae vir misericors qui autem crudelis est et propinquos abicit

Pro 11:18

Pro 11:18impius facit opus instabile seminanti autem iustitiam merces fidelis

Pro 11:19

Pro 11:19clementia praeparat vitam et sectatio malorum mortem

Pro 11:20

Pro 11:20abominabile Domino pravum cor et voluntas eius in his qui simpliciter ambulant

Pro 11:21

Pro 11:21manus in manu non erit innocens malus semen autem iustorum salvabitur

Pro 11:22

Pro 11:22circulus aureus in naribus suis mulier pulchra et fatua

Pro 11:23

Pro 11:23desiderium iustorum omne bonum est praestolatio impiorum furor

Pro 11:24

Pro 11:24alii dividunt propria et ditiores fiunt alii rapiunt non sua et semper in egestate sunt

Pro 11:25

Pro 11:25anima quae benedicit inpinguabitur et qui inebriat ipse quoque inebriabitur

Pro 11:26

Pro 11:26qui abscondit frumenta maledicetur in populis benedictio autem super caput vendentium

Pro 11:27

Pro 11:27bene consurgit diluculo qui quaerit bona qui autem investigator malorum est opprimetur ab eis

Pro 11:28

Pro 11:28qui confidet in divitiis suis corruet iusti autem quasi virens folium germinabunt

Pro 11:29

Pro 11:29qui conturbat domum suam possidebit ventos et qui stultus est serviet sapienti

Pro 11:30

Pro 11:30fructus iusti lignum vitae et qui suscipit animas sapiens est

Pro 11:31

Pro 11:31si iustus in terra recipit quanto magis impius et peccator

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.