Philippenses (Philippians) 4 :: Latin Vulgate (VUL)

Phl 4:1itaque fratres mei carissimi et desiderantissimi gaudium meum et corona mea sic state in Domino carissimi

Phl 4:2Euhodiam rogo et Syntychen deprecor id ipsum sapere in Domino

Phl 4:3etiam rogo et te germane conpar adiuva illas quae mecum laboraverunt in evangelio cum Clemente et ceteris adiutoribus meis quorum nomina sunt in libro vitae

Phl 4:4

Phl 4:4gaudete in Domino semper iterum dico gaudete

Phl 4:5

Phl 4:5modestia vestra nota sit omnibus hominibus Dominus prope

Phl 4:6

Phl 4:6nihil solliciti sitis sed in omni oratione et obsecratione cum gratiarum actione petitiones vestrae innotescant apud Deum

Phl 4:7

Phl 4:7et pax Dei quae exsuperat omnem sensum custodiat corda vestra et intellegentias vestras in Christo Iesu

Phl 4:8

Phl 4:8de cetero fratres quaecumque sunt vera quaecumque pudica quaecumque iusta quaecumque sancta quaecumque amabilia quaecumque bonae famae si qua virtus si qua laus haec cogitate

Phl 4:9

Phl 4:9quae et didicistis et accepistis et audistis et vidistis in me haec agite et Deus pacis erit vobiscum

Phl 4:10

Phl 4:10gavisus sum autem in Domino vehementer quoniam tandem aliquando refloruistis pro me sentire sicut et sentiebatis occupati autem eratis

Phl 4:11

Phl 4:11non quasi propter penuriam dico ego enim didici in quibus sum sufficiens esse

Phl 4:12

Phl 4:12scio et humiliari scio et abundare ubique et in omnibus institutus sum et satiari et esurire et abundare et penuriam pati

Phl 4:13

Phl 4:13omnia possum in eo qui me confortat

Phl 4:14

Phl 4:14verumtamen bene fecistis communicantes tribulationi meae

Phl 4:15

Phl 4:15scitis autem et vos Philippenses quod in principio evangelii quando profectus sum a Macedonia nulla mihi ecclesia communicavit in ratione dati et accepti nisi vos soli

Phl 4:16

Phl 4:16quia et Thessalonicam et semel et bis in usum mihi misistis

Phl 4:17

Phl 4:17non quia quaero datum sed requiro fructum abundantem in rationem vestram

Phl 4:18

Phl 4:18habeo autem omnia et abundo repletus sum acceptis ab Epafrodito quae misistis odorem suavitatis hostiam acceptam placentem Deo

Phl 4:19

Phl 4:19Deus autem meus impleat omne desiderium vestrum secundum divitias suas in gloria in Christo Iesu

Phl 4:20

Phl 4:20Deo autem et Patri nostro gloria in saecula saeculorum amen

Phl 4:21

Phl 4:21salutate omnem sanctum in Christo Iesu salutant vos qui mecum sunt fratres

Phl 4:22

Phl 4:22salutant vos omnes sancti maxime autem qui de Caesaris domo sunt

Phl 4:23

Phl 4:23gratia Domini Iesu Christi cum spiritu vestro amen

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.