Philippenses (Philippians) 2 :: Latin Vulgate (VUL)

Phl 2:1

Phl 2:1si qua ergo consolatio in Christo si quod solacium caritatis si qua societas spiritus si quid viscera et miserationes

Phl 2:2

Phl 2:2implete gaudium meum ut idem sapiatis eandem caritatem habentes unianimes id ipsum sentientes

Phl 2:3

Phl 2:3nihil per contentionem neque per inanem gloriam sed in humilitate superiores sibi invicem arbitrantes

Phl 2:4

Phl 2:4non quae sua sunt singuli considerantes sed et ea quae aliorum

Phl 2:5

Phl 2:5hoc enim sentite in vobis quod et in Christo Iesu

Phl 2:6

Phl 2:6qui cum in forma Dei esset non rapinam arbitratus est esse se aequalem Deo

Phl 2:7

Phl 2:7sed semet ipsum exinanivit formam servi accipiens in similitudinem hominum factus et habitu inventus ut homo

Phl 2:8

Phl 2:8humiliavit semet ipsum factus oboediens usque ad mortem mortem autem crucis

Phl 2:9

Phl 2:9propter quod et Deus illum exaltavit et donavit illi nomen super omne nomen

Phl 2:10

Phl 2:10ut in nomine Iesu omne genu flectat caelestium et terrestrium et infernorum

Phl 2:11

Phl 2:11et omnis lingua confiteatur quia Dominus Iesus Christus in gloria est Dei Patris

Phl 2:12

Phl 2:12itaque carissimi mei sicut semper oboedistis non ut in praesentia mei tantum sed multo magis nunc in absentia mea cum metu et tremore vestram salutem operamini

Phl 2:13

Phl 2:13Deus est enim qui operatur in vobis et velle et perficere pro bona voluntate

Phl 2:14

Phl 2:14omnia autem facite sine murmurationibus et haesitationibus

Phl 2:15

Phl 2:15ut sitis sine querella et simplices filii Dei sine reprehensione in medio nationis pravae et perversae inter quos lucetis sicut luminaria in mundo

Phl 2:16

Phl 2:16verbum vitae continentes ad gloriam meam in die Christi quia non in vacuum cucurri neque in vacuum laboravi

Phl 2:17

Phl 2:17sed et si immolor supra sacrificium et obsequium fidei vestrae gaudeo et congratulor omnibus vobis

Phl 2:18

Phl 2:18id ipsum autem et vos gaudete et congratulamini mihi

Phl 2:19

Phl 2:19spero autem in Domino Iesu Timotheum cito me mittere ad vos ut et ego bono animo sim cognitis quae circa vos sunt

Phl 2:20

Phl 2:20neminem enim habeo tam unianimem qui sincera affectione pro vobis sollicitus sit

Phl 2:21

Phl 2:21omnes enim sua quaerunt non quae sunt Christi Iesu

Phl 2:22

Phl 2:22experimentum autem eius cognoscite quoniam sicut patri filius mecum servivit in evangelium

Phl 2:23

Phl 2:23hunc igitur spero me mittere mox ut videro quae circa me sunt

Phl 2:24

Phl 2:24confido autem in Domino quoniam et ipse veniam ad vos cito

Phl 2:25

Phl 2:25necessarium autem existimavi Epafroditum fratrem et cooperatorem et commilitonem meum vestrum autem apostolum et ministrum necessitatis meae mittere ad vos

Phl 2:26

Phl 2:26quoniam quidem omnes vos desiderabat et maestus erat propterea quod audieratis illum infirmatum

Phl 2:27

Phl 2:27nam et infirmatus est usque ad mortem sed Deus misertus est eius non solum autem eius verum etiam et mei ne tristitiam super tristitiam haberem

Phl 2:28

Phl 2:28festinantius ergo misi illum ut viso eo iterum gaudeatis et ego sine tristitia sim

Phl 2:29

Phl 2:29excipite itaque illum cum omni gaudio in Domino et eiusmodi cum honore habetote

Phl 2:30

Phl 2:30quoniam propter opus Christi usque ad mortem accessit tradens animam suam ut impleret id quod ex vobis deerat erga meum obsequium

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.