Numeri (Numbers) 5 :: Latin Vulgate (VUL)

(cf. Lev 15:1–33 )

Num 5:1

Num 5:1locutusque est Dominus ad Mosen dicens

Num 5:2

Num 5:2praecipe filiis Israhel ut eiciant de castris omnem leprosum et qui semine fluit pollutusque est super mortuo

Num 5:3

Num 5:3tam masculum quam feminam eicite de castris ne contaminent ea cum habitaverim vobiscum

Num 5:4

Num 5:4feceruntque ita filii Israhel et eiecerunt eos extra castra sicut locutus erat Dominus Mosi

(Lev 6:1–7 )

Num 5:5

Num 5:5locutus est Dominus ad Mosen dicens

Num 5:6

Num 5:6loquere ad filios Israhel vir sive mulier cum fecerint ex omnibus peccatis quae solent hominibus accidere et per neglegentiam transgressi fuerint mandatum Domini atque deliquerint

Num 5:7

Num 5:7confitebuntur peccatum suum et reddent ipsum caput quintamque partem desuper ei in quem peccaverint

Num 5:8

Num 5:8sin autem non fuerit qui recipiat dabunt Domino et erit sacerdotis excepto ariete qui offertur pro expiatione ut sit placabilis hostia

Num 5:9

Num 5:9omnes quoque primitiae quas offerunt filii Israhel ad sacerdotem pertinent

Num 5:10

Num 5:10et quicquid in sanctuarium offertur a singulis et traditur manibus sacerdotis ipsius erit

Num 5:11

Num 5:11locutus est Dominus ad Mosen dicens

Num 5:12

Num 5:12loquere ad filios Israhel et dices ad eos vir cuius uxor erraverit maritumque contemnens

Num 5:13

Num 5:13dormierit cum altero viro et hoc maritus deprehendere non quiverit sed latet adulterium et testibus argui non potest quia non est inventa in stupro

Num 5:14

Num 5:14si spiritus zelotypiae concitaverit virum contra uxorem suam quae vel polluta est vel falsa suspicione appetitur

Num 5:15

Num 5:15adducet eam ad sacerdotem et offeret oblationem pro illa decimam partem sati farinae hordiaciae non fundet super eam oleum nec inponet tus quia sacrificium zelotypiae est et oblatio investigans adulterium

Num 5:16

Num 5:16offeret igitur eam sacerdos et statuet coram Domino

Num 5:17

Num 5:17adsumetque aquam sanctam in vase fictili et pauxillum terrae de pavimento tabernaculi mittet in eam

Num 5:18

Num 5:18cumque steterit mulier in conspectu Domini discoperiet caput eius et ponet super manus illius sacrificium recordationis et oblationem zelotypiae ipse autem tenebit aquas amarissimas in quibus cum execratione maledicta congessit

Num 5:19

Num 5:19adiurabitque eam et dicet si non dormivit vir alienus tecum et si non polluta es deserto mariti toro non te nocebunt aquae istae amarissimae in quas maledicta congessi

Num 5:20

Num 5:20sin autem declinasti a viro tuo atque polluta es et concubuisti cum altero

Num 5:21

Num 5:21his maledictionibus subiacebis det te Dominus in maledictionem exemplumque cunctorum in populo suo putrescere faciat femur tuum et tumens uterus disrumpatur

Num 5:22

Num 5:22ingrediantur aquae maledictae in ventrem tuum et utero tumescente putrescat femur et respondebit mulier amen amen

Num 5:23

Num 5:23scribetque sacerdos in libello ista maledicta et delebit ea aquis amarissimis in quas maledicta congessit

Num 5:24

Num 5:24et dabit ei bibere quas cum exhauserit

Num 5:25

Num 5:25tollet sacerdos de manu eius sacrificium zelotypiae et elevabit illud coram Domino inponetque super altare ita dumtaxat ut prius

Num 5:26

Num 5:26pugillum sacrificii tollat de eo quod offertur et incendat super altare et sic potum det mulieri aquas amarissimas

Num 5:27

Num 5:27quas cum biberit si polluta est et contempto viro adulterii rea pertransibunt eam aquae maledictionis et inflato ventre conputrescet femur eritque mulier in maledictionem et in exemplum omni populo

Num 5:28

Num 5:28quod si polluta non fuerit erit innoxia et faciet liberos

Num 5:29

Num 5:29ista est lex zelotypiae si declinaverit mulier a viro suo et si polluta fuerit

Num 5:30

Num 5:30maritusque zelotypiae spiritu concitatus adduxerit eam in conspectu Domini et fecerit ei sacerdos iuxta omnia quae scripta sunt

Num 5:31

Num 5:31maritus absque culpa erit et illa recipiet iniquitatem suam

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.