Numeri (Numbers) 4 :: Latin Vulgate (VUL)

Num 4:1locutusque est Dominus ad Mosen et Aaron dicens

Num 4:2tolle summam filiorum Caath de medio Levitarum per domos et familias suas

Num 4:3a tricesimo anno et supra usque ad quinquagesimum annum omnium qui ingrediuntur ut stent et ministrent in tabernaculo foederis

Num 4:4

Num 4:4hic est cultus filiorum Caath tabernaculum foederis et sanctum sanctorum

Num 4:5

Num 4:5ingredientur Aaron et filii eius quando movenda sunt castra et deponent velum quod pendet ante fores involventque eo arcam testimonii

Num 4:6

Num 4:6et operient rursum velamine ianthinarum pellium extendentque desuper pallium totum hyacinthinum et inducent vectes

Num 4:7

Num 4:7mensam quoque propositionis involvent hyacinthino pallio et ponent cum ea turibula et mortariola cyatos et crateras ad liba fundenda panes semper in ea erunt

Num 4:8

Num 4:8extendentque desuper pallium coccineum quod rursum operient velamento ianthinarum pellium et inducent vectes

Num 4:9

Num 4:9sument et pallium hyacinthinum quo operient candelabrum cum lucernis et forcipibus suis et emunctoriis et cunctis vasis olei quae ad concinnandas lucernas necessaria sunt

Num 4:10

Num 4:10et super omnia ponent operimentum ianthinarum pellium et inducent vectes

Num 4:11

Num 4:11nec non et altare aureum involvent hyacinthino vestimento et extendent desuper operimentum ianthinarum pellium inducentque vectes

Num 4:12

Num 4:12omnia vasa quibus ministratur in sanctuario involvent hyacinthino pallio et extendent desuper operimentum ianthinarum pellium inducentque vectes

Num 4:13

Num 4:13sed et altare mundabunt cinere et involvent illud purpureo vestimento

Num 4:14

Num 4:14ponentque cum eo omnia vasa quibus in ministerio eius utuntur id est ignium receptacula fuscinulas ac tridentes uncinos et vatilla cuncta vasa altaris operient simul velamine ianthinarum pellium et inducent vectes

Num 4:15

Num 4:15cumque involverint Aaron et filii eius sanctuarium et omnia vasa eius in commotione castrorum tunc intrabunt filii Caath ut portent involuta et non tangant vasa sanctuarii ne moriantur ista sunt onera filiorum Caath in tabernaculo foederis

Num 4:16

Num 4:16super quos erit Eleazar filius Aaron sacerdotis ad cuius pertinet curam oleum ad concinnandas lucernas et conpositionis incensum et sacrificium quod semper offertur et oleum unctionis et quicquid ad cultum tabernaculi pertinet omniumque vasorum quae in sanctuario sunt

Num 4:17

Num 4:17locutusque est Dominus ad Mosen et Aaron dicens

Num 4:18

Num 4:18nolite perdere populum Caath de medio Levitarum

Num 4:19

Num 4:19sed hoc facite eis ut vivant et non moriantur si tetigerint sancta sanctorum Aaron et filii eius intrabunt ipsique disponent opera singulorum et divident quid portare quis debeat

Num 4:20

Num 4:20alii nulla curiositate videant quae sunt in sanctuario priusquam involvantur alioquin morientur

Num 4:21

Num 4:21locutus est Dominus ad Mosen dicens

Num 4:22

Num 4:22tolle summam etiam filiorum Gerson per domos ac familias et cognationes suas

Num 4:23

Num 4:23a triginta annis et supra usque ad annos quinquaginta numera omnes qui ingrediuntur et ministrant in tabernaculo foederis

Num 4:24

Num 4:24hoc est officium familiae Gersonitarum

Num 4:25

Num 4:25ut portent cortinas tabernaculi et tectum foederis operimentum aliud et super omnia velamen ianthinum tentoriumque quod pendet in introitu foederis tabernaculi

Num 4:26

Num 4:26cortinas atrii et velum in introitu quod est ante tabernaculum omnia quae ad altare pertinent funiculos et vasa ministerii

Num 4:27

Num 4:27iubente Aaron et filiis eius portabunt filii Gerson et scient singuli cui debeant oneri mancipari

Num 4:28

Num 4:28hic est cultus familiae Gersonitarum in tabernaculo foederis eruntque sub manu Ithamar filii Aaron sacerdotis

Num 4:29

Num 4:29filios quoque Merari per familias et domos patrum suorum recensebis

Num 4:30

Num 4:30a triginta annis et supra usque ad annos quinquaginta omnes qui ingrediuntur ad officium ministerii sui et cultum foederis testimonii

Num 4:31

Num 4:31haec sunt onera eorum portabunt tabulas tabernaculi et vectes eius columnas et bases earum

Num 4:32

Num 4:32columnas quoque atrii per circuitum cum basibus et paxillis et funibus suis omnia vasa et supellectilem ad numerum accipient sicque portabunt

Num 4:33

Num 4:33hoc est officium familiae Meraritarum et ministerium in tabernaculo foederis eruntque sub manu Ithamar filii Aaron sacerdotis

Num 4:34

Num 4:34recensuerunt igitur Moses et Aaron et principes synagogae filios Caath per cognationes et domos patrum suorum

Num 4:35

Num 4:35a triginta annis et supra usque ad annum quinquagesimum omnes qui ingrediuntur ad ministerium tabernaculi foederis

Num 4:36

Num 4:36et inventi sunt duo milia septingenti quinquaginta

Num 4:37

Num 4:37hic est numerus populi Caath qui intrat tabernaculum foederis hos numeravit Moses et Aaron iuxta sermonem Domini per manum Mosi

Num 4:38

Num 4:38numerati sunt et filii Gerson per cognationes et domos patrum suorum

Num 4:39

Num 4:39a triginta annis et supra usque ad annum quinquagesimum omnes qui ingrediuntur ut ministrent in tabernaculo foederis

Num 4:40

Num 4:40et inventi sunt duo milia sescenti triginta

Num 4:41

Num 4:41hic est populus Gersonitarum quos numeraverunt Moses et Aaron iuxta verbum Domini

Num 4:42

Num 4:42numerati sunt et filii Merari per cognationes et domos patrum suorum

Num 4:43

Num 4:43a triginta annis et supra usque ad annum quinquagesimum omnes qui ingrediuntur ad explendos ritus tabernaculi foederis

Num 4:44

Num 4:44et inventi sunt tria milia ducenti

Num 4:45

Num 4:45hic est numerus filiorum Merari quos recensuerunt Moses et Aaron iuxta imperium Domini per manum Mosi

Num 4:46

Num 4:46omnes qui recensiti sunt de Levitis et quos fecit ad nomen Moses et Aaron et principes Israhel per cognationes et domos patrum suorum

Num 4:47

Num 4:47a triginta annis et supra usque ad annum quinquagesimum ingredientes ad ministerium tabernaculi et onera portanda

Num 4:48

Num 4:48fuerunt simul octo milia quingenti octoginta

Num 4:49

Num 4:49iuxta verbum Domini recensuit eos Moses unumquemque iuxta officium et onera sua sicut praeceperat ei Dominus

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Numbers Chapter 4 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Numeri (Numbers) 4 :: Latin Vulgate (VUL)

Numbers Chapter 4 — Additional Translations:

Did You Know BLB Is User Supported?