Numeri (Numbers) 36 :: Latin Vulgate (VUL)

Num 36:1

Num 36:1accesserunt autem et principes familiarum Galaad filii Machir filii Manasse de stirpe filiorum Ioseph locutique sunt Mosi coram principibus Israhel atque dixerunt

Num 36:2

Num 36:2tibi domino nostro praecepit Dominus ut terram sorte divideres filiis Israhel et ut filiabus Salphaad fratris nostri dares possessionem debitam patri

Num 36:3

Num 36:3quas si alterius tribus homines uxores acceperint sequetur possessio sua et translata ad aliam tribum de nostra hereditate minuetur

Num 36:4

Num 36:4atque ita fiet ut cum iobeleus id est quinquagesimus annus remissionis advenerit confundatur sortium distributio et aliorum possessio ad alios transeat

Num 36:5

Num 36:5respondit Moses filiis Israhel et Domino praecipiente ait recte tribus filiorum Ioseph locuta est

Num 36:6

Num 36:6et haec lex super filiabus Salphaad a Domino promulgata est nubant quibus volunt tantum ut suae tribus hominibus

Num 36:7

Num 36:7ne commisceatur possessio filiorum Israhel de tribu in tribum omnes enim viri ducent uxores de tribu et cognatione sua

Num 36:8

Num 36:8et cunctae feminae maritos de eadem tribu accipient ut hereditas permaneat in familiis

Num 36:9

Num 36:9nec sibi misceantur tribus sed ita maneant

Num 36:10

Num 36:10ut a Domino separatae sunt feceruntque filiae Salphaad ut fuerat imperatum

Num 36:11

Num 36:11et nupserunt Maala et Thersa et Egla et Melcha et Noa filiis patrui sui

Num 36:12

Num 36:12de familia Manasse qui fuit filius Ioseph et possessio quae illis fuerat adtributa mansit in tribu et familia patris earum

Num 36:13

Num 36:13haec sunt mandata atque iudicia quae praecepit Dominus per manum Mosi ad filios Israhel in campestribus Moab super Iordanem contra Hiericho

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.