Numeri (Numbers) 34 :: Latin Vulgate (VUL)

Num 34:1locutus est Dominus ad Mosen

Num 34:2praecipe filiis Israhel et dices ad eos cum ingressi fueritis terram Chanaan et in possessionem vobis sorte ceciderit his finibus terminabitur

Num 34:3

Num 34:3pars meridiana incipiet a solitudine Sin quae est iuxta Edom et habebit terminos contra orientem mare Salsissimum

Num 34:4

Num 34:4qui circumibunt australem plagam per ascensum Scorpionis ita ut transeant Senna et perveniant in meridiem usque ad Cadesbarne unde egredientur confinia ad villam nomine Addar et tendent usque Asemona

Num 34:5

Num 34:5ibitque per gyrum terminus ab Asemona usque ad torrentem Aegypti et maris Magni litore finietur

Num 34:6

Num 34:6plaga autem occidentalis a mari Magno incipiet et ipso fine cludetur

Num 34:7

Num 34:7porro ad septentrionalem plagam a mari Magno termini incipient pervenientes usque ad montem Altissimum

Num 34:8

Num 34:8a quo venies in Emath usque ad terminos Sedada

Num 34:9

Num 34:9ibuntque confinia usque Zephrona et villam Henan hii erunt termini in parte aquilonis

Num 34:10

Num 34:10inde metabuntur fines contra orientalem plagam de villa Henan usque Sephama

Num 34:11

Num 34:11et de Sephama descendent termini in Rebla contra fontem inde pervenient contra orientem ad mare Chenereth

Num 34:12

Num 34:12et tendent usque Iordanem et ad ultimum Salsissimo cludentur mari hanc habebitis terram per fines suos in circuitu

Num 34:13

Num 34:13praecepitque Moses filiis Israhel dicens haec erit terra quam possidebitis sorte et quam iussit dari Dominus novem tribubus et dimidiae tribui

Num 34:14

Num 34:14tribus enim filiorum Ruben per familias suas et tribus filiorum Gad iuxta cognationum numerum media quoque tribus Manasse

Num 34:15

Num 34:15id est duae semis tribus acceperunt partem suam trans Iordanem contra Hiericho ad orientalem plagam

Num 34:16

Num 34:16et ait Dominus ad Mosen

Num 34:17

Num 34:17haec sunt nomina virorum qui terram vobis divident Eleazar sacerdos et Iosue filius Nun

Num 34:18

Num 34:18et singuli principes de tribubus singulis

Num 34:19

Num 34:19quorum ista sunt vocabula de tribu Iuda Chaleb filius Iepphonne

Num 34:20

Num 34:20de tribu Symeon Samuhel filius Ammiud

Num 34:21

Num 34:21de tribu Beniamin Helidad filius Chaselon

Num 34:22

Num 34:22de tribu filiorum Dan Bocci filius Iogli

Num 34:23

Num 34:23filiorum Ioseph de tribu Manasse Hannihel filius Ephod

Num 34:24

Num 34:24de tribu Ephraim Camuhel filius Sephtan

Num 34:25

Num 34:25de tribu Zabulon Elisaphan filius Pharnach

Num 34:26

Num 34:26de tribu Isachar dux Faltihel filius Ozan

Num 34:27

Num 34:27de tribu Aser Ahiud filius Salomi

Num 34:28

Num 34:28de tribu Nepthali Phedahel filius Ameiud

Num 34:29

Num 34:29hii sunt quibus praecepit Dominus ut dividerent filiis Israhel terram Chanaan

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.