Numeri (Numbers) 33 (VUL) - hae sunt mansiones filiorum Israhel

¶

Num 33:1hae sunt mansiones filiorum Israhel qui egressi sunt de Aegypto per turmas suas in manu Mosi et Aaron

Num 33:2quas descripsit Moses iuxta castrorum loca quae Domini iussione mutabant

¶

Num 33:3profecti igitur de Ramesse mense primo quintadecima die mensis primi altera die phase filii Israhel in manu excelsa videntibus cunctis Aegyptiis

Num 33:4

Num 33:4et sepelientibus primogenitos quos percusserat Dominus nam et in diis eorum exercuerat ultionem

Num 33:5

¶

Num 33:5castrametati sunt in Soccoth

Num 33:6

Num 33:6et de Soccoth venerunt in Aetham quae est in extremis finibus solitudinis

Num 33:7

Num 33:7inde egressi venerunt contra Phiahiroth quae respicit Beelsephon et castrametati sunt ante Magdolum

Num 33:8

Num 33:8profectique de Phiahiroth transierunt per medium mare in solitudinem et ambulantes tribus diebus per desertum Aetham castrametati sunt in Mara

Num 33:9

Num 33:9profectique de Mara venerunt in Helim ubi erant duodecim fontes aquarum et palmae septuaginta ibique castrametati sunt

Num 33:10

¶

Num 33:10sed et inde egressi fixere tentoria super mare Rubrum profectique de mari Rubro

Num 33:11

Num 33:11castrametati sunt in deserto Sin

Num 33:12

Num 33:12unde egressi venerunt in Dephca

Num 33:13

Num 33:13profectique de Dephca castrametati sunt in Alus

Num 33:14

Num 33:14egressi de Alus Raphidim fixere tentoria ubi aqua populo defuit ad bibendum

Num 33:15

¶

Num 33:15profectique de Raphidim castrametati sunt in deserto Sinai

Num 33:16

Num 33:16sed et de solitudine Sinai egressi venerunt ad sepulchra Concupiscentiae

Num 33:17

Num 33:17profectique de sepulchris Concupiscentiae castrametati sunt in Aseroth

Num 33:18

Num 33:18et de Aseroth venerunt in Rethma

Num 33:19

Num 33:19profectique de Rethma castrametati sunt in Remmonphares

Num 33:20

Num 33:20unde egressi venerunt in Lebna

Num 33:21

Num 33:21et de Lebna castrametati sunt in Ressa

Num 33:22

Num 33:22egressi de Ressa venerunt in Ceelatha

Num 33:23

Num 33:23unde profecti castrametati sunt in monte Sepher

Num 33:24

Num 33:24egressi de monte Sepher venerunt in Arada

Num 33:25

Num 33:25inde proficiscentes castrametati sunt in Maceloth

Num 33:26

Num 33:26profectique de Maceloth venerunt in Thaath

Num 33:27

Num 33:27de Thaath castrametati sunt in Thare

Num 33:28

Num 33:28unde egressi fixerunt tentoria in Methca

Num 33:29

Num 33:29et de Methca castrametati sunt in Esmona

Num 33:30

Num 33:30profectique de Esmona venerunt in Moseroth

Num 33:31

Num 33:31et de Moseroth castrametati sunt in Baneiacan

Num 33:32

Num 33:32egressique de Baneiacan venerunt in montem Gadgad

Num 33:33

Num 33:33unde profecti castrametati sunt in Hietebatha

Num 33:34

Num 33:34et de Hietebatha venerunt in Ebrona

Num 33:35

Num 33:35egressique de Ebrona castrametati sunt in Asiongaber

Num 33:36

Num 33:36inde profecti venerunt in desertum Sin haec est Cades

Num 33:37

Num 33:37egressique de Cades castrametati sunt in monte Hor in extremis finibus terrae Edom

Num 33:38

¶

Num 33:38ascenditque Aaron sacerdos montem Hor iubente Domino et ibi mortuus est anno quadragesimo egressionis filiorum Israhel ex Aegypto mense quinto prima die mensis

Num 33:39

Num 33:39cum esset annorum centum viginti trium

Num 33:40

¶

Num 33:40audivitque Chananeus rex Arad qui habitabat ad meridiem in terra Chanaan venisse filios Israhel

Num 33:41

¶

Num 33:41et profecti de monte Hor castrametati sunt in Salmona

Num 33:42

Num 33:42unde egressi venerunt in Phinon

Num 33:43

Num 33:43profectique de Phinon castrametati sunt in Oboth

Num 33:44

Num 33:44et de Oboth venerunt in Ieabarim quae est in finibus Moabitarum

Num 33:45

Num 33:45profectique de Ieabarim fixere tentoria in Dibongad

Num 33:46

Num 33:46unde egressi castrametati sunt in Elmondeblathaim

Num 33:47

Num 33:47egressi de Elmondeblathaim venerunt ad montes Abarim contra Nabo

Num 33:48

Num 33:48profectique de montibus Abarim transierunt ad campestria Moab super Iordanem contra Hiericho

Num 33:49

Num 33:49ibique castrametati sunt de Bethsimon usque ad Belsattim in planioribus locis Moabitarum

Num 33:50

¶

Num 33:50ubi locutus est Dominus ad Mosen

Num 33:51

Num 33:51praecipe filiis Israhel et dic ad eos quando transieritis Iordanem intrantes terram Chanaan

Num 33:52

Num 33:52disperdite cunctos habitatores regionis illius confringite titulos et statuas comminuite atque omnia excelsa vastate

Num 33:53

Num 33:53mundantes terram et habitantes in ea ego enim dedi vobis illam in possessionem

Num 33:54

Num 33:54quam dividetis vobis sorte pluribus dabitis latiorem et paucis angustiorem singulis ut sors ceciderit ita tribuetur hereditas per tribus et familias possessio dividetur

Num 33:55

Num 33:55sin autem nolueritis interficere habitatores terrae qui remanserint erunt vobis quasi clavi in oculis et lanceae in lateribus et adversabuntur vobis in terra habitationis vestrae

Num 33:56

Num 33:56et quicquid illis facere cogitaram vobis faciam

Numeri (Numbers) 33 :: Latin Vulgate (VUL)