Numeri (Numbers) 31 (VUL) - locutusque est Dominus ad Mosen

Num 31:1

¶

Num 31:1locutusque est Dominus ad Mosen dicens

Num 31:2

Num 31:2ulciscere prius filios Israhel de Madianitis et sic colligeris ad populum tuum

Num 31:3

¶

Num 31:3statimque Moses armate inquit ex vobis viros ad pugnam qui possint ultionem Domini expetere de Madianitis

Num 31:4

Num 31:4mille viri de singulis tribubus eligantur Israhel qui mittantur ad bellum

Num 31:5

¶

Num 31:5dederuntque millenos de cunctis tribubus id est duodecim milia expeditorum ad pugnam

Num 31:6

Num 31:6quos misit Moses cum Finees filio Eleazari sacerdotis vasa quoque sancta et tubas ad clangendum tradidit ei

Num 31:7

Num 31:7cumque pugnassent contra Madianitas atque vicissent omnes mares occiderunt

Num 31:8

Num 31:8et reges eorum Evi et Recem et Sur et Ur et Rebe quinque principes gentis Balaam quoque filium Beor interfecerunt gladio

Num 31:9

¶

Num 31:9ceperuntque mulieres eorum et parvulos omniaque pecora et cunctam supellectilem quicquid habere potuerant depopulati sunt

Num 31:10

Num 31:10tam urbes quam viculos et castella flamma consumpsit

Num 31:11

Num 31:11et tulerunt praedam et universa quae ceperant tam ex hominibus quam ex iumentis

Num 31:12

¶

Num 31:12et adduxerunt ad Mosen et Eleazarum sacerdotem et ad omnem multitudinem filiorum Israhel reliqua etiam utensilia portaverunt ad castra in campestribus Moab iuxta Iordanem contra Hiericho

Num 31:13

Num 31:13egressi sunt autem Moses et Eleazar sacerdos et omnes principes synagogae in occursum eorum extra castra

Num 31:14

Num 31:14iratusque Moses principibus exercitus tribunis et centurionibus qui venerant de bello

Num 31:15

¶

Num 31:15ait cur feminas reservastis

Num 31:16

Num 31:16nonne istae sunt quae deceperunt filios Israhel ad suggestionem Balaam et praevaricari vos fecerunt in Domino super peccato Phogor unde et percussus est populus

Num 31:17

Num 31:17ergo cunctos interficite quicquid est generis masculini etiam in parvulis et mulieres quae noverunt viros in coitu iugulate

Num 31:18

Num 31:18puellas autem et omnes feminas virgines reservate vobis

Num 31:19

Num 31:19et manete extra castra septem diebus qui occiderit hominem vel occisum tetigerit lustrabitur die tertio et septimo

Num 31:20

Num 31:20et de omni praeda sive vestimentum fuerit sive vas et aliquid in utensilia praeparatum de caprarum pellibus et pilis et ligno expiabitur

Num 31:21

¶

Num 31:21Eleazar quoque sacerdos ad viros exercitus qui pugnaverant sic locutus est hoc est praeceptum legis quod mandavit Dominus Mosi

Num 31:22

Num 31:22aurum et argentum et aes et ferrum et stagnum et plumbum

Num 31:23

Num 31:23et omne quod potest transire per flammas igne purgabitur quicquid autem ignem non potest sustinere aqua expiationis sanctificabitur

Num 31:24

Num 31:24et lavabitis vestimenta vestra die septimo et purificati postea castra intrabitis

Num 31:25

¶

Num 31:25dixitque Dominus ad Mosen

Num 31:26

Num 31:26tollite summam eorum quae capta sunt ab homine usque ad pecus tu et Eleazar sacerdos et principes vulgi

Num 31:27

Num 31:27dividesque ex aequo praedam inter eos qui pugnaverunt et egressi sunt ad bellum et inter omnem reliquam multitudinem

Num 31:28

Num 31:28et separabis partem Domino ab his qui pugnaverunt et fuerunt in bello unam animam de quingentis tam ex hominibus quam ex bubus et asinis et ovibus

Num 31:29

Num 31:29et dabis eam Eleazaro sacerdoti quia primitiae Domini sunt

Num 31:30

Num 31:30ex media quoque parte filiorum Israhel accipies quinquagesimum caput hominum et boum et asinorum et ovium cunctarumque animantium et dabis ea Levitis qui excubant in custodiis tabernaculi Domini

Num 31:31

Num 31:31feceruntque Moses et Eleazar sicut praeceperat Dominus

Num 31:32

¶

Num 31:32fuit autem praeda quam exercitus ceperat ovium sescenta septuaginta quinque milia

Num 31:33

Num 31:33boum septuaginta duo milia

Num 31:34

Num 31:34asinorum sexaginta milia et mille

Num 31:35

Num 31:35animae hominum sexus feminei quae non cognoverant viros triginta duo milia

Num 31:36

Num 31:36dataque est media pars his qui in proelio fuerant ovium trecenta triginta septem milia quingenta

Num 31:37

Num 31:37e quibus in partem Domini supputatae sunt oves sescentae septuaginta quinque

Num 31:38

Num 31:38et de bubus triginta sex milibus boves septuaginta duo

Num 31:39

Num 31:39de asinis triginta milibus quingentis asini sexaginta unus

Num 31:40

Num 31:40de animabus hominum sedecim milibus cesserunt in partem Domini triginta duae animae

Num 31:41

Num 31:41tradiditque Moses numerum primitiarum Domini Eleazaro sacerdoti sicut ei fuerat imperatum

Num 31:42

¶

Num 31:42ex media parte filiorum Israhel quam separaverat his qui in proelio fuerant

Num 31:43

Num 31:43de media vero parte quae contigerat reliquae multitudini id est de ovium trecentis triginta septem milibus quingentis

Num 31:44

Num 31:44et de bubus triginta sex milibus

Num 31:45

Num 31:45et de asinis triginta milibus quingentis

Num 31:46

Num 31:46et de hominibus sedecim milibus

Num 31:47

Num 31:47tulit Moses quinquagesimum caput et dedit Levitis qui excubant in tabernaculo Domini sicut praeceperat Dominus

Num 31:48

¶

Num 31:48cumque accessissent principes exercitus ad Mosen et tribuni centurionesque dixerunt

Num 31:49

Num 31:49nos servi tui recensuimus numerum pugnatorum quos habuimus sub manu nostra et ne unus quidem defuit

Num 31:50

Num 31:50ob hanc causam offerimus in donariis Domini singuli quod in praeda auri potuimus invenire periscelides et armillas anulos et dextralia ac murenulas ut depreceris pro nobis Dominum

Num 31:51

Num 31:51susceperuntque Moses et Eleazar sacerdos omne aurum in diversis speciebus

Num 31:52

Num 31:52pondo sedecim milia septingentos quinquaginta siclos a tribunis et centurionibus

Num 31:53

Num 31:53unusquisque enim quod in praeda rapuerat suum erat

Num 31:54

Num 31:54et susceptum intulerunt in tabernaculum testimonii in monumentum filiorum Israhel coram Domino

Numeri (Numbers) 31 :: Latin Vulgate (VUL)