Previous Chapter Full Page Full Page Next Chapter

Numeri (Numbers) 23 :: Latin Vulgate (VUL)

Num 23:1

Num 23:1dixitque Balaam ad Balac aedifica mihi hic septem aras et para totidem vitulos eiusdemque numeri arietes

Num 23:2

Num 23:2cumque fecisset iuxta sermonem Balaam inposuerunt simul vitulum et arietem super aram

Num 23:3

Num 23:3dixitque Balaam ad Balac sta paulisper iuxta holocaustum tuum donec vadam si forte occurrat mihi Dominus et quodcumque imperaverit loquar tibi

Num 23:4

Num 23:4cumque abisset velociter occurrit ei Deus locutusque ad eum Balaam septem inquit aras erexi et inposui vitulum et arietem desuper

Num 23:5

Num 23:5Dominus autem posuit verbum in ore eius et ait revertere ad Balac et haec loqueris

Num 23:6

Num 23:6reversus invenit stantem Balac iuxta holocaustum suum et omnes principes Moabitarum

Num 23:7

Num 23:7adsumptaque parabola sua dixit de Aram adduxit me Balac rex Moabitarum de montibus orientis veni inquit et maledic Iacob propera et detestare Israhel

Num 23:8

Num 23:8quomodo maledicam cui non maledixit Deus qua ratione detester quem Dominus non detestatur

Num 23:9

Num 23:9de summis silicibus videbo eum et de collibus considerabo illum populus solus habitabit et inter gentes non reputabitur

Num 23:10

Num 23:10quis dinumerare possit pulverem Iacob et nosse numerum stirpis Israhel moriatur anima mea morte iustorum et fiant novissima mea horum similia

Num 23:11

Num 23:11dixitque Balac ad Balaam quid est hoc quod agis ut malediceres inimicis vocavi te et tu e contrario benedicis eis

Num 23:12

Num 23:12cui ille respondit num aliud possum loqui nisi quod iusserit Dominus

Num 23:13

Num 23:13dixit ergo Balac veni mecum in alterum locum unde partem Israhelis videas et totum videre non possis inde maledicito ei

Num 23:14

Num 23:14cumque duxisset eum in locum sublimem super verticem montis Phasga aedificavit Balaam septem aras et inpositis supra vitulo atque ariete

Num 23:15

Num 23:15dixit ad Balac sta hic iuxta holocaustum tuum donec ego pergam obvius

Num 23:16

Num 23:16cui cum Dominus occurrisset posuissetque verbum in ore eius ait revertere ad Balac et haec loqueris ei

Num 23:17

Num 23:17reversus invenit eum stantem iuxta holocaustum suum et principes Moabitarum cum eo ad quem Balac quid inquit locutus est Dominus

Num 23:18

Num 23:18at ille adsumpta parabola sua ait sta Balac et ausculta audi fili Sepphor

Num 23:19

Num 23:19non est Deus quasi homo ut mentiatur nec ut filius hominis ut mutetur dixit ergo et non faciet locutus est et non implebit

Num 23:20

Num 23:20ad benedicendum adductus sum benedictionem prohibere non valeo

Num 23:21

Num 23:21non est idolum in Iacob nec videtur simulacrum in Israhel Dominus Deus eius cum eo est et clangor victoriae regis in illo

Num 23:22

Num 23:22Deus eduxit eum de Aegypto cuius fortitudo similis est rinocerotis

Num 23:23

Num 23:23non est augurium in Iacob nec divinatio in Israhel temporibus suis dicetur Iacob et Israheli quid operatus sit Deus

Num 23:24

Num 23:24ecce populus ut leaena consurget et quasi leo erigetur non accubabit donec devoret praedam et occisorum sanguinem bibat

Num 23:25

Num 23:25dixitque Balac ad Balaam nec maledicas ei nec benedicas

Num 23:26

Num 23:26et ille nonne ait dixi tibi quod quicquid mihi Deus imperaret hoc facerem

Num 23:27

Num 23:27et ait Balac ad eum veni et ducam te ad alium locum si forte placeat Deo ut inde maledicas eis

Num 23:28

Num 23:28cumque duxisset eum super verticem montis Phogor qui respicit solitudinem

Num 23:29

Num 23:29dixit ei Balaam aedifica mihi hic septem aras et para totidem vitulos eiusdemque numeri arietes

Num 23:30

Num 23:30fecit Balac ut Balaam dixerat inposuitque vitulos et arietes per singulas aras
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Numbers Chapter 23 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras