Nehemiæ (Nehemiah) 4 :: Latin Vulgate (VUL)

Neh 4:1

Neh 4:1factum est autem cum audisset Sanaballat quod aedificaremus murum iratus est valde et motus nimis subsannavit Iudaeos

Neh 4:2

Neh 4:2et dixit coram fratribus suis et frequentia Samaritanorum quid Iudaei inbecilli faciunt num dimittent eos gentes num sacrificabunt et conplebunt in una die numquid aedificare poterunt lapides de acervis pulveris qui conbusti sunt

Neh 4:3

Neh 4:3sed et Tobias Ammanites proximus eius ait aedificent si ascenderit vulpis transiliet murum eorum lapideum

Neh 4:4

Neh 4:4audi Deus noster quia facti sumus despectio converte obprobrium super caput eorum et da eos in despectionem in terra captivitatis

Neh 4:5

Neh 4:5ne operias iniquitatem eorum et peccatum eorum coram facie tua non deleatur quia inriserunt aedificantes

Neh 4:6

Neh 4:6itaque aedificavimus murum et coniunximus totum usque ad partem dimidiam et provocatum est cor populi ad operandum

Neh 4:7

Neh 4:7factum est autem cum audisset Sanaballat et Tobias et Arabes et Ammanitae et Azotii quod obducta esset cicatrix muri Hierusalem et quod coepissent interrupta concludi irati sunt nimis

Neh 4:8

Neh 4:8et congregati omnes pariter ut venirent et pugnarent contra Hierusalem et molirentur insidias

Neh 4:9

Neh 4:9et oravimus Deum nostrum et posuimus custodes super murum die et nocte contra eos

Neh 4:10

Neh 4:10dixit autem Iudas debilitata est fortitudo portantis et humus nimia est et nos non poterimus aedificare murum

Neh 4:11

Neh 4:11et dixerunt hostes nostri nesciant et ignorent donec veniamus in medio eorum et interficiamus eos et cessare faciamus opus

Neh 4:12

Neh 4:12factum est autem venientibus Iudaeis qui habitabant iuxta eos et dicentibus nobis per decem vices ex omnibus locis quibus venerant ad nos

Neh 4:13

Neh 4:13statui in loco post murum per circuitum populum in ordine cum gladiis suis et lanceis et arcis

Neh 4:14

Neh 4:14perspexi atque surrexi et aio ad optimates et ad magistratus et ad reliquam partem vulgi nolite timere a facie eorum Domini magni et terribilis mementote et pugnate pro fratribus vestris filiis vestris et filiabus vestris uxoribus vestris et domibus

Neh 4:15

Neh 4:15factum est autem cum audissent inimici nostri nuntiatum esse nobis dissipavit Deus consilium eorum et reversi sumus omnes ad muros unusquisque ad opus suum

Neh 4:16

Neh 4:16et factum est a die illa media pars iuvenum eorum faciebant opus et media parata erat ad bellum et lanceae et scuta et arcus et loricae et principes post eos in omni domo Iuda

Neh 4:17

Neh 4:17aedificantium in muro et portantium onera et inponentium una manu sua faciebat opus et altera tenebat gladium

Neh 4:18

Neh 4:18aedificantium enim unusquisque gladio erat accinctus renes et aedificabant et clangebant bucina iuxta me

Neh 4:19

Neh 4:19et dixi ad optimates et ad magistratus et ad reliquam partem vulgi opus grande est et latum et nos separati sumus in muro procul alter ab altero

Neh 4:20

Neh 4:20in loco quocumque audieritis clangorem tubae illuc concurrite ad nos Deus noster pugnabit pro nobis

Neh 4:21

Neh 4:21et nos ipsi faciamus opus et media pars nostrum teneat lanceas ab ascensu aurorae donec egrediantur astra

Neh 4:22

Neh 4:22in tempore quoque illo dixi populo unusquisque cum puero suo maneat in medio Hierusalem et sint vobis vices per noctem et diem ad operandum

Neh 4:23

Neh 4:23ego autem et fratres mei et pueri mei et custodes qui erant post me non deponebamus vestimenta nostra unusquisque tantum nudabatur ad baptismum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.