Previous Chapter Full Page Full Page Next Chapter

Matthæum (Matthew) 9 :: Latin Vulgate (VUL)

Mat 9:1

Mat 9:1et ascendens in naviculam transfretavit et venit in civitatem suam

Mat 9:2

Mat 9:2et ecce offerebant ei paralyticum iacentem in lecto et videns Iesus fidem illorum dixit paralytico confide fili remittuntur tibi peccata tua

Mat 9:3

Mat 9:3et ecce quidam de scribis dixerunt intra se hic blasphemat

Mat 9:4

Mat 9:4et cum vidisset Iesus cogitationes eorum dixit ut quid cogitatis mala in cordibus vestris

Mat 9:5

Mat 9:5quid est facilius dicere dimittuntur tibi peccata aut dicere surge et ambula

Mat 9:6

Mat 9:6ut sciatis autem quoniam Filius hominis habet potestatem in terra dimittendi peccata tunc ait paralytico surge tolle lectum tuum et vade in domum tuam

Mat 9:7

Mat 9:7et surrexit et abiit in domum suam

Mat 9:8

Mat 9:8videntes autem turbae timuerunt et glorificaverunt Deum qui dedit potestatem talem hominibus

Mat 9:9

Mat 9:9et cum transiret inde Iesus vidit hominem sedentem in teloneo Mattheum nomine et ait illi sequere me et surgens secutus est eum

Mat 9:10

Mat 9:10et factum est discumbente eo in domo ecce multi publicani et peccatores venientes discumbebant cum Iesu et discipulis eius

Mat 9:11

Mat 9:11et videntes Pharisaei dicebant discipulis eius quare cum publicanis et peccatoribus manducat magister vester

Mat 9:12

Mat 9:12at Iesus audiens ait non est opus valentibus medico sed male habentibus

Mat 9:13

Mat 9:13euntes autem discite quid est misericordiam volo et non sacrificium non enim veni vocare iustos sed peccatores

Mat 9:14

Mat 9:14tunc accesserunt ad eum discipuli Iohannis dicentes quare nos et Pharisaei ieiunamus frequenter discipuli autem tui non ieiunant

Mat 9:15

Mat 9:15et ait illis Iesus numquid possunt filii sponsi lugere quamdiu cum illis est sponsus venient autem dies cum auferetur ab eis sponsus et tunc ieiunabunt

Mat 9:16

Mat 9:16nemo autem inmittit commissuram panni rudis in vestimentum vetus tollit enim plenitudinem eius a vestimento et peior scissura fit

Mat 9:17

Mat 9:17neque mittunt vinum novum in utres veteres alioquin rumpuntur utres et vinum effunditur et utres pereunt sed vinum novum in utres novos mittunt et ambo conservantur

Mat 9:18

Mat 9:18haec illo loquente ad eos ecce princeps unus accessit et adorabat eum dicens filia mea modo defuncta est sed veni inpone manum super eam et vivet

Mat 9:19

Mat 9:19et surgens Iesus sequebatur eum et discipuli eius

Mat 9:20

Mat 9:20et ecce mulier quae sanguinis fluxum patiebatur duodecim annis accessit retro et tetigit fimbriam vestimenti eius

Mat 9:21

Mat 9:21dicebat enim intra se si tetigero tantum vestimentum eius salva ero

Mat 9:22

Mat 9:22at Iesus conversus et videns eam dixit confide filia fides tua te salvam fecit et salva facta est mulier ex illa hora

Mat 9:23

Mat 9:23et cum venisset Iesus in domum principis et vidisset tibicines et turbam tumultuantem

Mat 9:24

Mat 9:24dicebat recedite non est enim mortua puella sed dormit et deridebant eum

Mat 9:25

Mat 9:25et cum eiecta esset turba intravit et tenuit manum eius et surrexit puella

Mat 9:26

Mat 9:26et exiit fama haec in universam terram illam

Mat 9:27

Mat 9:27et transeunte inde Iesu secuti sunt eum duo caeci clamantes et dicentes miserere nostri Fili David

Mat 9:28

Mat 9:28cum autem venisset domum accesserunt ad eum caeci et dicit eis Iesus creditis quia possum hoc facere vobis dicunt ei utique Domine

Mat 9:29

Mat 9:29tunc tetigit oculos eorum dicens secundum fidem vestram fiat vobis

Mat 9:30

Mat 9:30et aperti sunt oculi illorum et comminatus est illis Iesus dicens videte ne quis sciat

Mat 9:31

Mat 9:31illi autem exeuntes diffamaverunt eum in tota terra illa

Mat 9:32

Mat 9:32egressis autem illis ecce obtulerunt ei hominem mutum daemonium habentem

Mat 9:33

Mat 9:33et eiecto daemone locutus est mutus et miratae sunt turbae dicentes numquam paruit sic in Israhel

Mat 9:34

Mat 9:34Pharisaei autem dicebant in principe daemoniorum eicit daemones
(Luk 10:2, 3 )

Mat 9:35

Mat 9:35et circumibat Iesus civitates omnes et castella docens in synagogis eorum et praedicans evangelium regni et curans omnem languorem et omnem infirmitatem

Mat 9:36

Mat 9:36videns autem turbas misertus est eis quia erant vexati et iacentes sicut oves non habentes pastorem

Mat 9:37

Mat 9:37tunc dicit discipulis suis messis quidem multa operarii autem pauci

Mat 9:38

Mat 9:38rogate ergo dominum messis ut eiciat operarios in messem suam
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Matthew Chapter 9 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Morphological Greek New Testament Textus Receptus Smith Van Dyck Arabic Bible Open New Arabic Version Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras