Matthæum (Matthew) 8 :: Latin Vulgate (VUL)

(Mar 1:40–45; Luk 5:12–16 )

Mat 8:1cum autem descendisset de monte secutae sunt eum turbae multae

Mat 8:2et ecce leprosus veniens adorabat eum dicens Domine si vis potes me mundare

Mat 8:3et extendens manum tetigit eum Iesus dicens volo mundare et confestim mundata est lepra eius

Mat 8:4et ait illi Iesus vide nemini dixeris sed vade ostende te sacerdoti et offer munus quod praecepit Moses in testimonium illis

(Luk 7:1–10 )

Mat 8:5

Mat 8:5cum autem introisset Capharnaum accessit ad eum centurio rogans eum

Mat 8:6

Mat 8:6et dicens Domine puer meus iacet in domo paralyticus et male torquetur

Mat 8:7

Mat 8:7et ait illi Iesus ego veniam et curabo eum

Mat 8:8

Mat 8:8et respondens centurio ait Domine non sum dignus ut intres sub tectum meum sed tantum dic verbo et sanabitur puer meus

Mat 8:9

Mat 8:9nam et ego homo sum sub potestate habens sub me milites et dico huic vade et vadit et alio veni et venit et servo meo fac hoc et facit

Mat 8:10

Mat 8:10audiens autem Iesus miratus est et sequentibus se dixit amen dico vobis non inveni tantam fidem in Israhel

Mat 8:11

Mat 8:11dico autem vobis quod multi ab oriente et occidente venient et recumbent cum Abraham et Isaac et Iacob in regno caelorum

Mat 8:12

Mat 8:12filii autem regni eicientur in tenebras exteriores ibi erit fletus et stridor dentium

Mat 8:13

Mat 8:13et dixit Iesus centurioni vade et sicut credidisti fiat tibi et sanatus est puer in hora illa

(Mar 1:29–31; Luk 4:38, 39 )

Mat 8:14

Mat 8:14et cum venisset Iesus in domum Petri vidit socrum eius iacentem et febricitantem

Mat 8:15

Mat 8:15et tetigit manum eius et dimisit eam febris et surrexit et ministrabat eis

(Mar 1:32–34; Luk 4:40, 41 )

Mat 8:16

Mat 8:16vespere autem facto obtulerunt ei multos daemonia habentes et eiciebat spiritus verbo et omnes male habentes curavit

Mat 8:17

Mat 8:17ut adimpleretur quod dictum est per Esaiam prophetam dicentem ipse infirmitates nostras accepit et aegrotationes portavit

(Luk 9:57–62 )

Mat 8:18

Mat 8:18videns autem Iesus turbas multas circum se iussit ire trans fretum

Mat 8:19

Mat 8:19et accedens unus scriba ait illi magister sequar te quocumque ieris

Mat 8:20

Mat 8:20et dicit ei Iesus vulpes foveas habent et volucres caeli tabernacula Filius autem hominis non habet ubi caput reclinet

Mat 8:21

Mat 8:21alius autem de discipulis eius ait illi Domine permitte me primum ire et sepelire patrem meum

Mat 8:22

Mat 8:22Iesus autem ait illi sequere me et dimitte mortuos sepelire mortuos suos

(Mar 4:35–41; Luk 8:22–25 )

Mat 8:23

Mat 8:23et ascendente eo in navicula secuti sunt eum discipuli eius

Mat 8:24

Mat 8:24et ecce motus magnus factus est in mari ita ut navicula operiretur fluctibus ipse vero dormiebat

Mat 8:25

Mat 8:25et accesserunt et suscitaverunt eum dicentes Domine salva nos perimus

Mat 8:26

Mat 8:26et dicit eis quid timidi estis modicae fidei tunc surgens imperavit ventis et mari et facta est tranquillitas magna

Mat 8:27

Mat 8:27porro homines mirati sunt dicentes qualis est hic quia et venti et mare oboediunt ei

(Mar 5:1–20; Luk 8:26–39 )

Mat 8:28

Mat 8:28et cum venisset trans fretum in regionem Gerasenorum occurrerunt ei duo habentes daemonia de monumentis exeuntes saevi nimis ita ut nemo posset transire per viam illam

Mat 8:29

Mat 8:29et ecce clamaverunt dicentes quid nobis et tibi Fili Dei venisti huc ante tempus torquere nos

Mat 8:30

Mat 8:30erat autem non longe ab illis grex porcorum multorum pascens

Mat 8:31

Mat 8:31daemones autem rogabant eum dicentes si eicis nos mitte nos in gregem porcorum

Mat 8:32

Mat 8:32et ait illis ite at illi exeuntes abierunt in porcos et ecce impetu abiit totus grex per praeceps in mare et mortui sunt in aquis

Mat 8:33

Mat 8:33pastores autem fugerunt et venientes in civitatem nuntiaverunt omnia et de his qui daemonia habuerant

Mat 8:34

Mat 8:34et ecce tota civitas exiit obviam Iesu et viso eo rogabant ut transiret a finibus eorum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.