Matthæum (Matthew) 23 :: Latin Vulgate (VUL)

(Mar 12:38–40; Luk 20:45–47 )

Mat 23:1tunc Iesus locutus est ad turbas et discipulos suos

Mat 23:2dicens super cathedram Mosi sederunt scribae et Pharisaei

Mat 23:3omnia ergo quaecumque dixerint vobis servate et facite secundum opera vero eorum nolite facere dicunt enim et non faciunt

Mat 23:4

Mat 23:4alligant autem onera gravia et inportabilia et inponunt in umeros hominum digito autem suo nolunt ea movere

Mat 23:5

Mat 23:5omnia vero opera sua faciunt ut videantur ab hominibus dilatant enim phylacteria sua et magnificant fimbrias

Mat 23:6

Mat 23:6amant autem primos recubitus in cenis et primas cathedras in synagogis

Mat 23:7

Mat 23:7et salutationes in foro et vocari ab hominibus rabbi

Mat 23:8

Mat 23:8vos autem nolite vocari rabbi unus enim est magister vester omnes autem vos fratres estis

Mat 23:9

Mat 23:9et patrem nolite vocare vobis super terram unus enim est Pater vester qui in caelis est

Mat 23:10

Mat 23:10nec vocemini magistri quia magister vester unus est Christus

Mat 23:11

Mat 23:11qui maior est vestrum erit minister vester

Mat 23:12

Mat 23:12qui autem se exaltaverit humiliabitur et qui se humiliaverit exaltabitur

Mat 23:13

Mat 23:13vae autem vobis scribae et Pharisaei hypocritae quia clauditis regnum caelorum ante homines vos enim non intratis nec introeuntes sinitis intrare

Mat 23:14

Mat 23:14 See Footnote

Mat 23:15

Mat 23:15vae vobis scribae et Pharisaei hypocritae quia circuitis mare et aridam ut faciatis unum proselytum et cum fuerit factus facitis eum filium gehennae duplo quam vos

Mat 23:16

Mat 23:16vae vobis duces caeci qui dicitis quicumque iuraverit per templum nihil est qui autem iuraverit in aurum templi debet

Mat 23:17

Mat 23:17stulti et caeci quid enim maius est aurum an templum quod sanctificat aurum

Mat 23:18

Mat 23:18et quicumque iuraverit in altari nihil est quicumque autem iuraverit in dono quod est super illud debet

Mat 23:19

Mat 23:19caeci quid enim maius est donum an altare quod sanctificat donum

Mat 23:20

Mat 23:20qui ergo iurat in altare iurat in eo et in omnibus quae super illud sunt

Mat 23:21

Mat 23:21et qui iuraverit in templo iurat in illo et in eo qui inhabitat in ipso

Mat 23:22

Mat 23:22et qui iurat in caelo iurat in throno Dei et in eo qui sedet super eum

Mat 23:23

Mat 23:23vae vobis scribae et Pharisaei hypocritae quia decimatis mentam et anethum et cyminum et reliquistis quae graviora sunt legis iudicium et misericordiam et fidem haec oportuit facere et illa non omittere

Mat 23:24

Mat 23:24duces caeci excolantes culicem camelum autem gluttientes

Mat 23:25

Mat 23:25vae vobis scribae et Pharisaei hypocritae quia mundatis quod de foris est calicis et parapsidis intus autem pleni sunt rapina et inmunditia

Mat 23:26

Mat 23:26Pharisaee caece munda prius quod intus est calicis et parapsidis ut fiat et id quod de foris est mundum

Mat 23:27

Mat 23:27vae vobis scribae et Pharisaei hypocritae quia similes estis sepulchris dealbatis quae a foris parent hominibus speciosa intus vero plena sunt ossibus mortuorum et omni spurcitia

Mat 23:28

Mat 23:28sic et vos a foris quidem paretis hominibus iusti intus autem pleni estis hypocrisi et iniquitate

Mat 23:29

Mat 23:29vae vobis scribae et Pharisaei hypocritae quia aedificatis sepulchra prophetarum et ornatis monumenta iustorum

Mat 23:30

Mat 23:30et dicitis si fuissemus in diebus patrum nostrorum non essemus socii eorum in sanguine prophetarum

Mat 23:31

Mat 23:31itaque testimonio estis vobismet ipsis quia filii estis eorum qui prophetas occiderunt

Mat 23:32

Mat 23:32et vos implete mensuram patrum vestrorum

Mat 23:33

Mat 23:33serpentes genimina viperarum quomodo fugietis a iudicio gehennae

Mat 23:34

Mat 23:34ideo ecce ego mitto ad vos prophetas et sapientes et scribas ex illis occidetis et crucifigetis et ex eis flagellabitis in synagogis vestris et persequemini de civitate in civitatem

Mat 23:35

Mat 23:35ut veniat super vos omnis sanguis iustus qui effusus est super terram a sanguine Abel iusti usque ad sanguinem Zacchariae filii Barachiae quem occidistis inter templum et altare

Mat 23:36

Mat 23:36amen dico vobis venient haec omnia super generationem istam

(Luk 13:34, 35 )

Mat 23:37

Mat 23:37Hierusalem Hierusalem quae occidis prophetas et lapidas eos qui ad te missi sunt quotiens volui congregare filios tuos quemadmodum gallina congregat pullos suos sub alas et noluisti

Mat 23:38

Mat 23:38ecce relinquitur vobis domus vestra deserta

Mat 23:39

Mat 23:39dico enim vobis non me videbitis amodo donec dicatis benedictus qui venit in nomine Domini

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.